Foz, 9 de setembro de 2024. O parque infantil da praia de Llas, situado na área recreativa do Cu do Castro, foi aberto ao público a pasada fin de semana despois dunha renovación integral.
O alcalde de Foz, Fran Cajoto, explica que esta actuación foi posible grazas a un investimento de 27.600 euros aportados pola Deputación de Lugo. “O parque conta cun pavimento completamente renovado de caucho. Optamos por dispoñer xogos de plástico reciclado por conciencia ambiental e tamén por durabilidade nun entorno tan próximo ao mar. Renovamos o parque completamente, incluíndo unha estrutura composta por dúas plataformas con accesos diferentes e tobogán, dous muelles balanceantes e un balancín de dúas prazas”. O alcalde destaca especialmente o columpio: “por vistas, estamos a falar do mellor columpio de Foz: dá a sensación de que te balanceas sobre o mar Cantábrico. A paisaxe é espectacular”.
O rexedor municipal avanza as seguintes actuacións: “estamos a tramitar coa administración provincial os remanentes do contrato -algo máis de 20.300 euros, froito das baixas da licitación- para máis actuacións. Imos investir algo máis de 5.100 euros no parque de Marzán, para substituír os bancos do parque -moi deteriorados- e para a instalación de novas pezas biosaudables; algo máis de 7.200 euros no entorno da piscina, tamén para renovar as pezas biosaudables; e case 8.000 euros en Julia Minguillón para reparación da tarima de madeira, lasurado da pérgola, novos bancos e renovación de luminarias”.
O Concello de Foz continuará coa súa política de mellora de parques infantís, despois das actuación dos últimos anos: Paseo de Colón, Uxío Novoneira (Parque da Petanca), Praza de Galicia, Julia Minguillón, Marzán e Llas.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
