Dende a asociación indican que se puxeron en contacto coa Xefatura Territorial, sen recibir resposta, contando coa única información aportada polo centro
Alfoz, 14 de setembro, 2024. A ANPA do CEIP Plurilingüe Castro de Ouro de Alfoz, despois da falta de resposta da Xunta de Galicia, anuncia o inicio de mobilizacións ante o incumprimento por parte da Consellería de Cultura, Educación, Formación Profesional e Universidades dos acordos sobre agrupamentos previstos para o curso 2024/2025 e a supresión da praza de especialista en Pedagoxía Terapéutica no centro de Alfoz.
Desde a asociación declaran que “puxémonos en contacto coa Xefatura Territorial, sen recibir resposta, contando coa única información aportada polo centro”. Como representantes das familias, reclaman estar informados dos pasos que se están a dar desde a Xunta de Galicia e se se van atender as súas demandas. Ante a falta de resposta, “desde a Ampa informamos ás familias da situación e decidimos convocar unha concentración para o luns 16 de setembro as 09:30 horas, coincidindo coa entrada do alumnado ao colexio”, en sinal de protesta ante a carencia de profesorado no inicio do curso escolar 24/25.
O colectivo, que agrupa ás familias dos 39 alumnos do centro, indica que “non solicitamos nada que non nos pertenza, simplemente reclamamos que a Xunta cumpra a Resolución do 10 de xaneiro de 2024”, publicada no DOG de 17 de xaneiro. Por outro lado, desde o colectivo iniciarán contactos coas organizacións sindicais CC.OO., ANPE e UGT-SP, pois “xa que asinaron o acordo terán que velar por que se cumpra”, indican desde a ANPA.
Na resolución aludida, indícase que nas aulas que escolaricen alumnado de diferentes niveis, ciclos e/ou etapas educativas serán de aplicación as ratios recollidos no Acordo de agrupamentos do alumnado, do 10 de xullo de 2009. O Acordo de agrupamentos indica que se poderá agrupar o alumnado de primaria pertencente a distinto ciclo nunha mesma unidade cando o número sexa igual ou inferior a 12, polo que desde o colectivo indican que “estase incumprindo o acordo pois temos 15 alumnos nun dos agrupamentos” e ademais recordan que “aínda que no outro agrupamento contamos xustamente con 12 alumnos, habería que avaliar se algún deles ten necesidades específicas de apoio educativo o que modificaría o ratio, todo isto agravado polo feito de que nos eliminan a especialista en Pedagoxía Terapéutica coa que contaba o centro”.
Dende a asociación subliñan ademais que se trata dun “agravio respecto a outros colexios nos que si se está cumprindo o ratio” e indican que “dóenos moito que desde a Delegación da Xunta en Lugo se diga que se está apostando por igualar as condicións do ensino en todo o territorio e se faga totalmente o contrario”.
A Anpa do CEIP Castro de Ouro de Alfoz, indica que “o noso colexio sempre se caracterizou polo seu bo funcionamento”, recordando que a implicación de toda a comunidade educativa sempre foi clave no éxito do sistema educativo do colexio de Alfoz, “feito que deu lugar a que familias doutros concellos aposten polo noso centro para a educación dos seus fillos e fillas”, subliñando que “así colaboramos tamén co cumprimento dos ratios doutros colexios e que as súas aulas non estean masificadas”, por iso, “pedimos o que nos corresponde, un trato xusto para que os nosos fillos e fillas teñan as mesmas oportunidades”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
