A porta de Carlos V iluminarase de cor verde na fin de semana para dar visibilidade a esta data, que se conmemora o sábado 21 de setembro
Viveiro, 19 de setembro de 2024. O Concello de Viveiro súmase un ano máis á conmemoración do Día do Alzheimer este sábado, día 21 de setembro. Para dar visibilidade a esta data, a porta de Carlos V iluminarase de cor verde esta fin de semana.
A alcaldesa María Loureiro, destaca, con motivo desta efeméride, “o traballo fundamental que ano tras ano fai a Asociación de Familiares de Enfermos de Alzheimer de Viveiro, AFA Viveiro, tanto na prevención e detección precoz como na atención a pacientes e persoas achegadas”.
“Dende o Concello de Viveiro colaboramos moi estreitamente con esta asociación dende hai anos, e o noso compromiso coas persoas con alzheimer e os seus seres queridos segue tan vixente como sempre,”, sinala Loureiro.
O Concello colabora coa asociación AFA Viveiro a través de subvencións, colaborando coas súas actividades ou cedéndolles o uso de instalacións municipais, como as dependencias no claustro do convento de San Francisco, entre outros xeitos.
Recentemente asinouse na Casa do Concello un convenio de colaboración con esta e outras entidades sociais locais, tendo o convenio con AFA un valor de 30.000€.
A rexedora subliña que “iniciativas de concienciación como a do Día do Alzheimer son fundamentais para sensibilizar e facer partícipe á poboación da necesidade de máis recursos para a investigación na enfermidade”. “Amosamos de novo todo o noso apoio a quen sofre o Alzheimer de xeito directo ou indirecto”, conclúe.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
