A Mariña, 23 de setembro de 2024. O próximo 5 de outubro arrinca a quinta edición do programa de rutas e visitas guiadas en torno á cultura e natureza dos 16 concellos da Mariña Lucense. Baixo o nome A Mariña. Plans con corazón. 16 rutas e visitas guiadas por 16 concellos, trátase dun proxecto promovido pola Mancomunidade, coa colaboración da Xunta de Galicia e da Deputación de Lugo, que busca dinamizar a actividade turística na temporada de outono.
Esta iniciativa ven ser a continuación de A Mariña en Ruta, que agora se renova, introducindo novidades e adaptando a súa identidade á nova imaxe de marca turística da Mariña. Foron programadas un total de 16 rutas e visitas guiadas, que se realizan nos 16 concellos que conforman o xeodestino da Mariña, a partir das propostas realizadas polos guías oficiais de turismo Ana Pena, Boris Vilar, Carmen Delia e Noela Feal, coa participación dunha serie de anfitrións, que colaboraron coa empresa especializada en ecoturismo Volta Montana. O resultado é un proxecto que mantén os atributos que quere destacar a Mariña como destino diferente, cercano, aberto, amable e atractivo, un territorio que se conceptualiza no novo lema A Mariña. Galicia de Corazón.
‘A Mariña. Plans con corazón’ desenvolverase durante as fins de semana e tamén os festivos do 12 de outubro e do 1 de novembro, ata o 10 de novembro. Serán 16 actividades, unha por cada concello que conforma o xeodestino, que darán a coñecer a riqueza dos espazos nos que se desenvolven, fomentando o goce das actividades en torno á natureza e ao aire libre, ademais de coñecer de primeira man as manifestacións culturais do xeodestino.
O acto de presentación do proxecto tivo lugar este mediodía no Cenima, en Foz, e contou coa presenza da presidenta da Mancomunidade de Concellos da Mariña, Rocío López, quen subliñou que “tras o éxito deste programa durante os catro anos anteriores,con cerca de mil participantes, o proxecto pretende continuar neste 2024 dando a coñecer a riqueza natural e cultural dos diferentes municipios do xeodestino, a través da organización de diferentes rutas e visitas guiadas da man de guías de turismo oficiais de Galicia locais e diferentes anfitrións. A continuidade deste programa afianza a figura destes axentes así como a calidade e diversidade de opcións de ecoturismo existentes na Mariña Lucense fóra da temporada de verán”.
Tamén sinalou que “o proxecto ofrece a oportunidade de coñecer o noso destino, descubrindo lugares que poden ser máis descoñecidos e recónditos, manisfestacións culturais, etnográficas e artesás. Todas son propostas diferenciadoras, diversas e inclusivas, algunhas con visitas a muesos, produtores e artesáns, degustacións e teatralizacións, que se amosan como un escaparate ideal para gozar con maior intensidade dos recursos da Mariña Lucense”.
No acto celebrado no Cenima tomaron tamén a palabra Fran Cajoto, alcalde de Foz; Tania Hermida, axente de desenvolvemento turístico da Mancomunidade; Carmela López, deputada provincial de Economía, Recadación, Facenda e Especial de Contas; e Javier Arias, delegado territorial da Xunta en Lugo e asistiron representantes dos Concellos así como os guías que participan neste programa, da empresa coordinadora e da Asociación Rebinxe pola recuperación da Biodiversidade na Xeografía Rural.
Éxito da pasada edición
Rocío López aludiu ao éxito da edición deste programa de rutas e visitas guiadas pola Mariña en 2023, xa que “o ano pasado contou con moi boa acollida, cun total de 288 persoas repartidas nas dezaseis actividades programadas. A totalidade dos participantes que responderon ás enquisas de satisfacción que realizamos trasladáronnos que o programa debería ter continuidade no tempo, que dinamizaba a oferta cultural da Mariña Lucense e que recomendaría a experiencia a outra persoa. A valoración xeral da iniciativa foi de 9,2”.
Apoio á sostibilidade
Na presentación tamén se lembrou que, como novidade da pasada edición, a empresa encargada da organización e xestión do programa, Volta Montana, destinou parte dos ingresos á contribución aos obxectivos da sostibilidade, de maneira que, ao finalizar o programa, calculouse da man da empresa líder no sector Carbono Gestión a pegada de carbono derivada da asistencia dos participantes (6,9 toneladas de CO2), quen facilitou ademáis unha guía de boas prácticas para próximas edicións que durante esta edición axudará a conformar un decálogo de boas prácticas para difundir entre os asistentes.
Ademais, realizouse una doazón á Asociación Rebinxe, para axudar á recuperación da Biodiversidade na Xeografía Rural, en concreto para a investigación sobre parámetros poboacionais e etolóxicos de mamíferos silvestres no norte da provincia de Lugo e, sobre todo, na Serra do Xistral.
Por último, e co obxectivo de contribuír a rematar o uso de plásticos, na edición deste ano proporcionarase aos participantes botellas reutilizables coa nova imaxe de marca da Mariña.
A Mariña. Plans con corazón. 16 rutas e visitas guiadas por 16 concellos
As actividades desenvolveranse as fins de semana de outubro e novembro así coma os festivos do 12 de outubro e 1 de novembro. Terán unha duración de 2 a 4 horas e poderán participar nas mesmas ata un máximo de 25 persoas.
O prezo será de 5 euros para individual; 8 euros para parella; 12 euros para familias ou grupos de ata 5 membros.
A información sobre a rutas e as reservas de prazas realizarase a través da web de Turismo de A Mariña Lucense: https://amarinalucense.gal/es/a-marina-planes-con-corazon.
Mes de outubro
1. Sábado 5– Burela de Cabo a rabo. Con Noela Feal.
2. Domingo 6 – Revelando os misterios e a beleza do litoral do Vicedo. Con Boris Vilar.
3. Sábado 12 – Paisaxe fluvial e etnografía. Trabada. Con Carmen Delia.
4. Domingo 13 – Xove: Ruta costeira de Portocelo a Punta Roncadoira. Con Boris Vilar.
5. Sábado 19 – Auga e milagres no Ermo. Barreiros. Con Carmen Delia
6. Domingo 20 – O tesouro escondido. Alfoz. Con Ana Pena.
7. Sábado 26 – Parroquia de Lieiro (Cervo), onde se unen o liño e o mar.Con NoelaFeal.
8. Domingo 27 – Sabor a mar. Foz. Con Ana Pena.
Mes de novembro
9. Venres 01 – A sorprendente natureza da Serra do Xistral. O Valadouro. Con Boris Vilar.
10. Sábado 02 – Mondoñedo: a Dios rogando, con el mazo dando. Con Noela Feal.
11. Sábado 02 – Da horta ao mar, vila comercial. Ribadeo. Con Carmen Delia.
12. Domingo 03 – Lendas, paisaxe e cultura. Lourenzá. Con Carmen Delia.
13. Sábado 09 – Ruta polos cemiterios indianos de Ourol. Con Noela Feal.
14. Sábado 09 – Forxados a lume. A Pontenova. Con Ana Pena.
15. Domigo 10 – Cando a biodiversidade se fai dona do patrimonio industrial. Viveiro. Con Boris Vilar.
16. Domingo 10 – As bondades da natureza. Riotorto. Con Ana Pena.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
O acto terá lugar ás 18:30 no paseo da Dársena, onde se instalará un hito que lembra a súa distinción como Fillo Predilecto de Navia. Tamén se descubrirá a placa dos gañadores absolutos da LXVII edición do Descenso, celebrada en 2025. “Moreno”, falecido en 2023, dedicou máis de seis décadas a impulsar esta cita deportiva, converténdoa nun referente nacional e internacional. A alcaldesa, Ana Isabel Fernández, destacou que foi “a alma máter do Descenso” e convidou á veciñanza e participantes a asistir ao acto de recoñecemento.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
As persoas que non puideron obter a súa entrada durante o período de reserva anticipada poderán recoller as entradas restantes o propio día da función, mércores 5 de agosto, a partir das 20:00 horas, na taquilla do Teatro Pastor Díaz. A entrega realizarase ata completar a capacidade do recinto, cun máximo de catro entradas por persoa. O Concello de Viveiro agradece a excelente acollida que está a ter esta representación e lamenta as molestias que esta situación poida ocasionar.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
