Ribadeo, 23 de setembro de 2024. Ribadeo destinará 400.000 euros á mellora das instalacións deportivas. O Concello busca a colaboración da Deputación de Lugo e da Xunta de Galicia. O alcalde, Dani Vega, asegura que é preciso actuar en edificios que levan moitos anos abandonados: o pavillón de Alfredo Deaño, o de Cubelas ou a entrada ao estadio municipal Pepe Barrera.
O rexedor dixo que “Ribadeo ten como obxectivo a inversión para mellorar as infraestruturas deportivas. Aprobamos unha cantidade de 400.000 euros e así vamos trazar unha estratexia de xestión ante as distintas administracións. Aquí estamos falando da Deputación e tamén da Xunta de Galicia. Pero temos que ter e temos que aprobar unha cantidade para arrancar con proxectos e ter esa porcentaxe que lle toca ao Concello de Ribadeo. E así non vamos a outras partidas que estamos vendo, que estamos tendo problemas, porque estamos solicitando subvencións, pero cando nos toca poñer a nosa partida, o presuposto, non temos esa estratexia”.
Vega contou que “agora analizamos con profundidade e temos que marcar unas liñas de actuación. O deporte, sen lugar a dúbida, é unha delas. E os edificios que levan certamente tempo abandonados debemos iniciar proxectos e así proceder á súa rehabilitación. Estamos a falar, por exemplo, do pavillón. Chove por dentro, aí hai mais caldeiros que en todo o Ribadeo e polo tanto hai que actuar con urxencia. Aí practícase o hockei, o fútbol sala, o baloncesto… unha multitude de deporte que debemos tamén dar esa resposta de inversión. Non vale dicir que se vai a facer e nunca concretalo. Agardamos que a Deputación poña o 40% do investimento, a Xunta o outro 40% e o Concello achegará o 20%. Agora xa o vamos concretar neste pleno con esa aprobación”.
O alcalde subliñou que “aquí vamos poñer nós unha cantidade e estamos tamén instando ás distintas administracións a que nos axuden. Vamos ver qué resposta nos dá a Deputación e coa Xunta de Galicia xa hai unha reunión trazada”.
Dani Vega explicou que “tamén vamos mellorar a entrada do Pepe Barrera e tamén certos edificios que eu creo que hai que aproveitar porque están abandonados, aí vamos tamén actuar no pavillón de Cubellas. Eu creo que hai que seguir apostando polo deporte no rural e unha entidade con tanta historia como o fútbol o sala de Cubellas, eu creo que hai que mellorar as súas instalacións. E tamén ese compromiso absoluto co campo de herba artificial. Aquí escoitamos á oposición, como se debe facer, traballar todos unidos e vamos agora ver cal é a resposta da Deputación e tamén da Xunta, porque necesitamos a colaboración. Neste caso tamén lle propoñeramos á Xunta de Galicia que poña o 40% e á Deputación o outro 40%”.
O rexedor engadiu que “si isto sae cunha proposta seria, cunha responsabilidade orzamentaria estes 400.000 euros poderemos devolvelos ou si consideramos investir noutras infraestruturas, que tamén falta lles fai”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
