Lourenzá, 23 de setembro de 2024. A XXXII Festa da Faba de Lourenzá inclúe actividades como degustacións e venda de fabas o sábado e o domingo, exposicións e demostracións de artesáns, showcookings, cata de viño, concentración de vehículos clásicos e varias actuacións musicais.
As actividades comezarán o venres 4 de outubro ás 20:30 horas cunha cata comentada de viño a cargo da adega Alán de Val (D.O. Valdeorras) no Claustro do Mosteiro. E ás 22.30 horas haberá verbena no Campo dos Bolos, amenizada pola orquestra Montreal e DJ Cosme.
O sábado 5 de outubro ás 11:00 horas terá lugar a apertura da XXXII Festa da Faba: ás casetas de fabeiros, na Praza do Conde Santo; o stand Institucional da Mancomunidade de Concellos da Mariña; demostracións e exposición de artesáns nas prazas e rúas da vila; feira exposición de automoción e vehículos agrícolas no Campo dos Bolos; e a décima edición da Vespafaba & Clásicos na rúa Fernández del Riego. Tamén desde as 11 horas haberá pasarrúas con Fanfarria Furruxa. Ás 12:00 horas serán o pregón a cargo de Amanda Gasalla Gasalla na Praza do Conde Santo, onde ás 12:30 horas terá lugar un showcooking a cargo do cociñeiro Judicael Romero, actividade na que colabora Bonito de Burela. Ás 13:30 horas empezará a sesión vermú coa orquestra Salsarena no Campo dos Bolos, onde tamén será a degustación popular da Faba de Lourenzá, acompañada dos viños da adega Alán de Val (D.O. Valdeorras). Ás 17:00 horas haberá un obradoiro infantil de cociña na Praza Linares Rivas. Ás 19:00 horas actuará a Banda de Música de Foz no Claustro do Mosteiro. E as actividades deste día rematarán coa verbena, que será no Campo dos Bolos, co orquestra Salsarena a partir das 22:30 horas.
O domingo 6 de outubro as actividades empezarán ás 08:30 horas coa apertura do mercado da faba ao por maior no Mercado Comarcal e ás 10:00 horas abrirán as casetas dos fabeiros na Praza do Conde Santo. Ás 11:00 comezará a segunda xornada da X Vespafaba & Clásicos na rúa Fernández del Riego e un pasarrúas a cargo da charanga Louband. Ás 11:30 horas terá lugar o segundo showcooking por parte do cociñeiro Judicael Romero na Praza Linares Rivas, coa colaboración de Bonito de Burela. Ás 12:30 horas haberá a actividade Fala Faba, con entrevistas na Praza Linares Rivas. Ás 13:00 horas a charanga Louband ofrecerá outro pasarrúas e ás 13:30 terá lugar o Faba Bingo na Praza Linares Rivas e empezará a sesión vermú a cargo do Grupo Lume no Campo dos Bolos, onde tamén será a degustación popular da Faba de Lourenzá con viños da Adega de Val (D.O. Valdeorras). Ás 18:30 horas celebrarase un festival folclórico no Claustro do Mosteiro coas actuación da Asociación Cultural Osorio Gutiérrez e o grupo Os dos martes. E así será clausurada a XXXII Festa da Faba de Lourenzá.
Nos bares da vila servirán tapas elaboradas con fabas de Lourenzá durante o sábado e o domingo, días nos que tamén haberá un tren turístico para levar a veciños e visitantes a percorrer a Ruta das Fabas.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
