Ademais a institución provincial pediralle á Xunta de Galicia que poña medidas para evitar a suba da taxa de tratamento de lixo aos concellos tras aprobar na sesión celebrada esta mañá outra das mocións presentadas polo grupo do PSdeG
Lugo, 24 de setembro de 2024. A Deputación de Lugo esixiralle á Xunta de Galicia que resolva a falta de profesorado e recupere a gratuidade dos libros de texto neste curso escolar que vén de comezar. Así se acordou no Pleno ordinario do mes de setembro celebrado este martes no Pazo de San Marcos, tras a proposta de Goberno, que foi aprobada cos votos a favor do PSdeG, do BNG e coa abstención do PP.
Explicou a Voceira socialista do Goberno, Pilar García Porto, que un ano máis, “como vén sendo costume dende o 2009” o inicio do curso académico en Galicia revela a distancia que medra entre a actitude “triunfalista” da Xunta e as carencias que denuncian as familias, os mestres e a comunidade educativa. “A Xunta ofertaba nas últimas oposicións 1.512 prazas de novos profesores, pero só cubriu 1.256. As 256 prazas non cubertas eran un capricho administrativo? Non obedecían a necesidades reais? Non hai entón unha falla de profesores?”, preguntou no Pleno García Porto.
“Dicir que a educación infantil é de balde é un xeito de agochar a falta de prazas públicas en escolas infantís”, denunciou García Porto. A Xunta asegura que coas 32.000 prazas dispoñibles, sumando a oferta pública e privada, está escolarizado o 56,4% dos nenos entre 0 e 3 anos. “Se as cifras que ofrece a Xunta son fiables, a aplicación dunha simple regra de tres revela que farían falla máis de 25.000 prazas en escolas infantís para atender ao cen por cen da poboación infantil e as necesidades de conciliación das familias”, engadiu. Reprochou tamén que non se pode falar de gratuidade na educación primaria e na ESO cando unha familia continúa a gastar de media uns 600€ de media en libros e material escolar cando arranca o curso.
Unhas carencias que, segundo explicaba García Porto, afectan gravemente á provincia de Lugo e especialmente aos concellos do rural.
O texto da proposta aprobada reclama tamén que se garanta a presenza dos profesores de apoio para todos os nenos e nenas con necesidades educativas especiais, que se cumpran as ratios de alumnos por aula pactados cos sindicatos e que se presente un plan para incrementar as prazas de educación infantil ata garantir a plena escolarización nesa franxa de idade.
Medidas para evitar a suba do canon de recollida de lixo
O Pleno tamén sacou adiante outra moción do PSdeG para reclamar á Xunta de Galicia que tome medidas para evitar a suba da taxa de tratamento de lixo aos concellos. A iniciativa saíu adiante cos votos a favor dos socialistas, do BNG e cos votos en contra do PP.
Explicaba o Presidente da Deputación, José Tomé Roca, antes da sesión plenaria que “quen está queimando unha cantidade importante de residuos que non debería, porque está prohibido por Lei, é a Xunta a través de Sogama. Europa sanciona á Xunta de Galicia pola mala xestión de Sogama e a Xunta quere facerllo pagar aos demais”. Lamentaba ademais que Rueda pretenda “vender un caramelo” dicindo que vai asumir parte do custo da suba, e esixe ao Presidente do Goberno galego que explique de que parte dos Orzamentos vai sacar ese diñeiro, “porque se o saca do Plan de Cooperación dos Concellos está castigando dobremente ás entidades locais”.
Co acordo adoptado no Pleno, a institución provincial esixe, por unha parte manter o canon establecido aos concellos galegos de 66 euros por cada tonelada de residuos domésticos xestionada; manter a anterior bonificación do 15% deste canon unitario; que se reparta a contía de 12,1M€ en concepto de Fondo Ambiental entre todos os concellos galegos; que se achegue a SOGAMA a cantidade total recadada en concepto de imposto sobre o depósito de residuos en vertedoiros, a incineración e a coincineración de residuos para implementar bonificación no canon dos concellos; incrementar as subvencións aos concellos para implementar medidas que contribúan á reciclaxe dos biorresiduos; que se constitúa unha comisión de traballo entre SOGAMA, as Consellerías de Medio Ambiente e Facenda e a FEGAMP para determinar as condicións do canon para o ano 2025; e ampliar as plantas de biorresiduos existentes como estaba previsto no Plan de Xestión de residuos urbanos de Galicia 2010-2022.
Centro de Atención a Maiores de Becerreá
A sesión provincial sacou adiante, por unanimidade, o inicio do expediente de actividade económica en réxime xurídico do Centro de Atención a persoas Maiores de Becerreá. Tal e como explicou o Deputado de Promoción Económica e Social, Pablo Rivera Capón, unha vez rematadas as obras do centro de transformación, a institución provincial continúa cos pasos que son habituais nos CAMs da Deputación.
As actuacións máis inmediatas nese sentido consisten, conforme marca a Lei, en designar unha comisión de estudo, acordar o inicio do expediente de aprobación da actividade económica do centro de atención a persoas maiores, e someter a consulta previa, por un prazo de 20 días hábiles, a participación da cidadanía.
Aprobación da Conta Xeral 2023
O Pleno aprobou tamén, e coa abstención do PP, a Conta Xeral da Deputación de Lugo correspondente ao ano 2023, cumprindo así cos prazos legalmente establecidos, que determinan a obriga de presentar ante o Consello Xeral de Contas antes do día 15 de outubro este expediente. A Deputada de Economía, Recadación, Facenda e Especial de Contas, Carmela López, destacou que o gasto comprometido acadou no ano 2023 un 87,28%, subindo un punto respecto do ano pasado, consolidando á Deputación de Lugo como unha das administracións locais de España con maior grado de execución orzamentaria.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
