A Mariña, 24 de setembro de 2024. Esta fin de semana, o pasado domingo, desenvolveuse a segunda visita ao alto da Frouxeira correspondente ao programa de Xeoturismo da Mariña Lucense.
Os asistentes coñeceron os procesos de formación dos magmas que deron lugar ao macizo granítico da Toxiza e á súa intrusión dentro dos materiais paleozoicos do Manto de Mondoñedo. Desta volta baixo un sol espléndido os participantes subiron ao miradoiro para observar as pías e outras rechamantes formas de erosión e gozaron das impresionantes vistas desde a altura.
Sobre os restos da fortaleza da Frouxeira coñeceron a historia do mariscal Pardo de Cela e recibiron información sobre os recentes achádegos derivados da aparición e estudo do seu testamento.
En total foron 20 persoas as que puideron gozar desta xeo visita da Mancomunidade de Concellos da Mariña procedentes de Viveiro, A Coruña, Santiago de Compostela, Culleredo, Foz, Ribadeo e Barreiros.
A Mancomunidade de Concellos da Mariña Lucense retomou a programación de actividades de Xeoturismo, posta en marcha o pasado mes de decembro a través do Plan de Sostibilidade Turística 2022-2024, que está cofinanciado pola propia Mancomunidade, pola Xunta de Galicia e pola Secretaría de Estado de Turismo.
Todas as actividades de xeoturismo desenroladas desde finais de decembro de 2024 e ata o momento, un total de 22, foron gratuítas e estiveron abertas ao público sendo preciso anotarse previamente a través do enlace https://amarinalucense.gal/es/geoturismo.
A próxima fin de semana será a quenda da visita á Cova do Rei Cintolo, en Mondoñedo, e unha visita en barco á praia das Catedrais, en Ribadeo, que por motivos alleos á organización substitúe á segunda visita en barco ao Fuciño do Porco. Ambas actividades xa non dispoñen de prazas libres, dando así paso ás propostas das fins de semana e festivos do mes de outubro e novembro dentro do programa “A Mariña. Plans con corazón.16 rutas e visitas guiadas”.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
