Oito colectivos de Guitiriz, Lugo, Vilalba, Pol e Ribas de Sil percorrerán ata o venres o territorio lucense a través deste programa de viaxes gratuítas que a institución provincial ofrece a entidades sen ánimo de lucro para dinamizar a economía local
Lugo, 1 de outubro de 2024. Preto de 200 persoas viaxarán esta semana á Mariña, á Montaña e á Ribeira Sacra grazas ao programa Coñece a túa provincia da Deputación de Lugo. Un total de oito colectivos de Guitiriz, Lugo, Vilalba, Pol e Ribas de Sil percorrerán ata o venres o territorio lucense a través deste programa de viaxes gratuítas que a institución provincial ofrece a entidades sen ánimo de lucro co obxectivo de dinamizar o turismo e a economía local.
Hoxe, a asociación de nais e pais do colexio público de Lagostelle (Guitiriz) viaxarán a Cervo e a Peña Gastronómica do Barrio Milagrosa (Lugo) á Fonsagrada. Os primeiros pararán a coñecer a produtora do Servizo de Audiovisuais da Deputación antes de continuar a ruta cara a fábrica de Sargadelos e San Cibrao, onde coñecerán a carpintería de Ribeira, a praia do Torno e o Museo do Mar. Os segundos visitarán o Pazo de San Marcos antes de seguir cara o Museo Comarcal da Fonsagrada, unha fábrica de embutidos e unha visita á seimeira de Vilagocende.
O mércores a asociación veciñal Ínsua Zoqueira (Vilalba) e a asociación de nais e pais do alumnado de Santo Estevo (Guitiriz) viaxarán á Ribeira Sacra. Os vilalbeses escolleron a ruta de Chantada e O Saviñao, que lles levará a visitar a igrexa de Santa María de Nogueira de Miño, o casco histórico chantadino, a igrexa de Santo Estevo de Ribas de Miño e unha adega. Pola súa banda, os guitiricenses descubrirán os concellos de Sober e Monforte, que inclúe un percorrido en catamarán polo Canón do Sil.
Desde Pol, as Mulleres Rurais Olvido escolleron tamén a zona de Sober e o xoves visitarán a reitoral de Gundivós, un dos miradoiros sobre o Sil e unha adega de Amandi. Ademais, a asociación de San Vicente de Pías Río de Marcos, de Lugo, fará tamén o xoves a ruta da Fonsagrada.
Rematarán a semana as asociacións de Remeite de San Clodio, de Ribas de Sil, e Mestura de Nete, de Vilalba. Os primeiros irán a Viveiro, a desfrutar dunha viaxe que inclúe visita ao miradoiro de San roque e ao casco antigo viveirense. Os segundos porán rumbo á Montaña lucense para descubrir Piornedo e visitar a vila de Navia de Suarna.
O programa Coñece a túa Provincia inclúe, de balde, o transporte para os traslados de ida e volta dende o lugar ou lugares de orixe, póliza de seguros de viaxeiros, menú de xantar, e entradas e visitas a diferentes lugares de interese da provincia de Lugo. Estas visitas realízanas profesionais que contan coa habilitación de guía oficial de turismo de Galicia e persoal de atención ao público nos diferentes museos, empresas ou obradoiros sinalados nos itinerarios do programa.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
