Sen Irene Samper e ante un duro e moi competitivo rival, o Pescados Rubén Burela FS remonta en Murcia nunha segunda parte maxistral e con dobrete de Dinha
Burela, 5 de outubro, 2024. Ás 18.00h desta tarde celebrouse a 5ª xornada da liga de Primeira División Iberdrola FS na que o Pescados Rubén Burela FS se enfrontou ao STV Roldán FSF no pavillón murciano Gabriel Pérez Sánchez nun dos encontros de máis nivel da categoría, moi parello sobre todo durante a primeira parte e cunha incrible remontada do equipo burelense na segunda, á que chegan con dous goles de desvantaxe chegando a superar ao rival por tres tantos ao final do partido, cun resultado 2-5.
Comeza cos primeiros 3 minutos de dominio burelense pero sen chegar a materializarse moitas ocasións ata o minuto 4 no que o Roldán ten unha ocasión clarísima que vai cun disparo desde dentro da área que vai ao traveseiro de Ana Eliza. Ocasión de Cami que lanza un trallazo desde fóra da área e tenta coala xunto ao pau dereito pero Cristina detén o balón e no 7 un remate de Dany a un saque de esquina de Antía a punto estivo de lograr o primeiro tanto. Chega o primeiro do conxunto murciano no minuto 8 cun remate de Bárbara tras un saque de esquina e unha boa combinación entre as xogadoras. Boa parada de Ana Eliza no minuto 10 a un disparo de Andrea nun cara a cara tras un roubo, que a gardameta brasileira despexa coas mans. Domina o conxunto local o xogo durante a maior parte da segunda metade desta primeira parte, con subidas e baixadas de intensidade por parte do Burela que non logra recuperar a concentración ata o tramo final da primeira parte na que as laranxas aumentan unha marcha tentando empatar o partido e irse con mellores sensacións ao descanso, pero o Roldán logra desbaratar os plans do Burela. Anota o segundo tras unha das ocasións máis claras do partido que salva Ana Eliza nunha boa saída sacándoa á banda, pero no mesmo saque Mayte Mateos cóaa xunto ao poste cun disparo raso desde fóra da área. Chega o descanso con 2 goles de vantaxe para o conxunto local.
Sae con ganas de remontar o Pescados Rubén Burela FS nesta segunda parte e consegue recortar distancias no minuto 23 cun gol de Dinha tras unha boa dualidade con Dany que lla devolve colocándolla á perfección para anotar ese primeiro tanto. Paradón de Cristina García dous minutos despois a un disparo boísimo de Patricia que saca a porteira a córner co pé. Continúa o xogo moi igualado entre dous equipos de alto nivel e no 29 chega o dobrete de Dinha, un golazo pola escuadra tras un saque de banda e parede con Dany. Anímase notablemente o Burela e comeza o espectáculo das Pícaras, vixentes campioas da liga e a Supercopa. No minuto 32 Patricia logra poñer por diante no marcador ao conxunto que todo o gaña e un minuto despois, Carolina Pedreira aproveita moi ben un rexeite tras un disparo longo de Emilly que detén Cristina logrando o cuarto para as Pícaras. Con ansias de máis, no 35 Noelia Montoro anota o quinto tras unha boa xogada combinativa e é entón cando Killian Belmonte recorre ao xogo de 5 e consegue crear situacións de certo perigo como un pau de Ana Gandía nun cara a cara con Ana Eliza a tres minutos da bucina que ben puido recortar distancias. Mantense o marcador durante os últimos 5 minutos cun Burela firme en defensa e un Roldán cada vez con menos opcións de lograr a remontada.
A próxima semana Vista Alegre vivirá a primeira Tarde Laranxa da tempada nunha xornada dobremente especial, o equipo feminino xogará o derbi comarcal ante o FSF Castro Bloques Cando ás 21.30h, xusto despois da estrea do recentemente ascendido equipo masculino na liga de primeira división, con visita de Renato que se enfrontará ao seu equipo natal co Xaén Paraíso Interior ás 19.00h. Unha tarde ideal para abrir con forza esta tempada 24/25 nun Burela volcado co fútbol sala.
Ficha Técnica STV Roldán FSF 2-5 Pescados Rubén Burela FS FS
STV Roldán FSF (2): Cristina; Mayte Mateo, Ángela Górriz, Carmen, Rocío -cinco inicial-, Andrea, Alba Gandía, Mariángeles, Bárbara, Consuelo, Cecilia, Martinha, María V. (P) Entrenador: Killian Belmonte.
Pescados Rubén Burela FS (5): Ana Eliza; Dinha, Patricia, Noelia Montoro, Emilly- cinco inicial-, Cami, Antía Pérez, Dany (C), C.Pedreira, Cilene, Cristina. Entrenador: Julio Delgado.
Goles: 1-0, min 8: Bárbara. 2-0, min.19: Mayte Mateo. 2-1, min.23: Dinha. 2-2, min.29: Dinha. 2-3, min.32: Patricia. 2-4, min.33: Carolina Pedreira. 2-5, min.35: Noelia Montoro.
Árbitros: Antonio Navarro Liza (Murcia), Tiare Valencia Olivares (Andalucía), Adrián Cárceles Roca, Maica Torres Olmos.
TA: Antía Pérez.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
