Nota de prensa:
COMUNICADO DE PRENSA DO BNG DE RIBADEO
Ante a cerimonia da confusión á que nos queren someter tanto o PP como o PSOE local cando prefiren defender aos seus respectivos gobernos en vez de loitar por conseguir cousas para a nosa vila, o BNG de Ribadeo quere manifestar o seguinte:
1. Non é de recibo que os representantes do PP e do PSOE se dediquen máis a defender aos gobernos da Xunta, ou central, que a procurar que se aproben (e despois executen) proxectos que enriquezan ao noso concello.
2. Que ás veces dea a impresión de que o PSOE de Ribadeo está máis pendente de defender a acción do goberno central que de facer as xestións oportunas para axilizar a execución de proxectos xa en marcha di ben pouco de quen se presenta como o gran xestor que chega a todos os despachos.
3. Pero o colmo de colmos perpetrouno o señor Balseiro con respecto á demanda dun xulgado para Ribadeo. Estando na oposición, todo lle reclamaba á Xunta. E todo era responsabilidade da Xunta. Agora que gobernan, todo é culpa dos demais. Reparte o señor Balseiro responsabilidades para todoh o mundo e bota balóns fóra de xeito ben descarado.
4. A Lei de Demarcación e Planta Xudicial é ben clara ao respecto: é preceptivo escoitar á comunidade autónoma, a Xunta neste caso, para poder decidir se se crea ou non un novo xulgado. Pronúnciese o goberno do señor Feijoo demandando un xulgado para Ribadeo. E fágao cando corresponda e onde corresponda, seguindo o procedemento para estes casos. Cando iso faga, e se o goberno central se nega a crear o xulgado para Ribadeo, alí estará o BNG denunciando a incoherencia do goberno central. Pero nunca participaremos desta cerimonia da confusión fomentada polo señor Balseiro.
5. Ante esta demagoxia o BNG quere insistir na demanda dun xulgado para Ribadeo e na necesaria asunción por parte de todos os partidos políticos ribadenses da reivindicación dun partido xudicial para Ribadeo, tal e como xa se aprobara en pleno. Tanto o PP como o PSOE non poden ficar calados ante a pasividade ou incoherencia dos seus representantes na Xunta ou no goberno central á hora de levar a cabo dita demanda.
6. Hai demasiados proxectos, xa aprobados, que están pendentes de execución e o señor Balseiro ben pouco se preocupou deles: a escola infantil para Ribadeo, a residencia para enfermos de Alzheimer, o albergue de peregrinos… O goberno municipal do BNG ten claro que sempre vai insistir nas súas demandas e tamén vai facer todas as xestións necesarias para que se desbloqueen ditos proxectos. Pero son outros, na Xunta ou no goberno central, os que teñen que mover ficha.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
