José Manuel Gómez Puente amósase abraiado porque o resto de grupos votasen en contra da proposta defendida polo PP no pleno do luns: “unicamente pedíamos que se mellorase a seguridade mentres Costas non realiza os arranxos necesarios na praia de San Bartolo e na praia do Acantilado”
Barreiros, 9 de outubro de 2024. Os concelleiros do Grupo Municipal do PP de Barreiros son contundentes á hora de asegurar que “se sucede calquera tipo de accidente nos accesos ás praias de Barreiros, será o goberno local o que terá que responder ao ser unha competencia súa garantir a seguridade”.
O voceiro popular, José Manuel Gómez Puente, “non entende” como o resto de grupos votaron en contra da moción defendida polo PP no pleno do luns, que unicamente buscaba garantir a seguridade en San Bartolo e na praia do Acantilado.
A sorpresa no Grupo Municipal Popular vén derivada de que o goberno local do BNG “bota balóns fóra e mira cara outro lado” cando se lle pregunta polas medidas a tomar para garantir a seguridade na praia de San Bartolo, mentres Costas non soluciona os problemas neste punto, unha zona na que hai un risco para todos os veciños e turistas polo estado no que se atopa unha fosa existente na praia de San Bartolo, ao carón da escalinata central de baixada á mesma, na súa marxe dereita.
Trátase dunha fosa de aproximadamente tres metros de ancho e dez de profundidade, con perigo para a integridade física e mesmo á vida humana de veciños e visitantes. Ademais desta, hai outra, algo máis pequena, igualmente moi perigosa, ao pé dun paseo peonil, na zona detrás do Hotel-Restaurante Acantilado, e que a día de hoxe está sen valar nin sinalizar.
José Manuel Gómez Puente “ve moi preocupante” que o goberno local “non se tome en serio” a seguridade nestes puntos. “Cómpre colocar un valado seguro e firme para evitar que calquera poida acceder, en lugar de poñer elementos de plástico que calquera pode mover ou saltar con facilidade”, explicou.
Neste senso, Gómez Puente sinala que “no caso de que suceda calquera tipo de accidente, cousa que oxalá non suceda, pode que o Concello de Barreiros teña que asumir algún tipo de responsabilidade se consideran que a súa actitude foi irresponsable”.
COMISIÓN INFORMATIVA
José Manuel Gómez Puente non entende “como puideron tardar 15 meses” en convocar a comisión informativa “que levamos moito tempo defendendo dende o Grupo Popular”.
Unha situación que “é unha clara evidencia da nula preocupación pola seguridade da alcaldesa e do seu equipo de goberno”. “Xa está ben de escusas, o Concello ten que actuar e o mellor é facelo de inmediato xa que se perderon moitas semanas moi valiosas para atopar solucións”, lamentou.
A convocatoria desta comisión vén motivada pola insistencia do PP: “levamos moitos meses presentando mocións ao pleno e escritos no Concello de Barreiros, ademais de imaxes nas redes sociais, co fin de demostrar a falta de seguridade na zona e a necesidade de garantila”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
