A Xunta de Goberno autorizou ao Concello mariñán a destinar preto de 50.000€ de remanentes dunha achega da institución provincial para mellorar o espazo que o SD Burela destina ao lavado, secado e almacenaxe da roupa deportiva
Lugo, 11 de outubro de 2024. A Xunta de Goberno da Deputación de Lugo acordou autorizar ao Concello de Burela a destinar os remanentes dunha achega da institución provincial para acondicionar un pequeno local nas instalacións deportivas da Marosa. En concreto, a Deputación permite á administración local utilizar preto de 50.000€ derivados da reposición do campo de herba artificial en mellorar este espazo que o SD Burela destina ao lavado, secado e almacenaxe da roupa deportiva.
Así o informou o Deputado de Promoción Económica e Social, Pablo Rivera Capón, quen explicou que esta achega é posible grazas aos remanentes doutra axuda para a reposición do campo de herba artificial. Os traballos neste local, que conta con preto de 35 metros cadrados, consistirán na demolición parcial e intervención na estrutura do local, mellora dos peches, renovación da cuberta, das instalacións eléctricas, alumeado e protección contra incendios, mellora dos revestimentos exteriores, interiores e acabados.
“Trátase dunha actuación moi importante, porque ademais do equipo sénior, que actualmente compite na Primeira Autonómica, o SD Burela ten diferentes equipos xogando en categorías infantís, cadetes, xuvenís e veteranos. Polo que dá servizo a moitísimas persoas e a moitísimos nenos e nenas da localidade”, valorou Rivera Capón.
Adxudicados os traballos na LU-P-5806
Adxudicados ademais os traballos para acondicionar un treito de algo máis de oito quilómetros na LU-P-5806 que une no Saviñao a parroquia de Freán coa estrada autonómica LU-617 pola parroquia de Diomondi. Resultou adxudicataria a empresa Fevisa Vías y Obras SL por un prezo de 100.430€.
As obras realizaranse desde o inicio da estrada ata o punto quilométrico 8,181. E consistirán na reapertura de cunetas, reparación de afundimentos e a repavimentación do firme. O prazo de execución desde o inicio dos traballos é de 2 meses.
Rivera Capón destacou que se trata “dun proxecto moi relevante para a zona, porque esta vía dá acceso a importantes recursos turísticos como a contorna de Belesar ou ao antigo palacio episcopal de Diomondi, que hoxe emprégase como un albergue de peregrinos ao seu paso pola ruta xacobea do Camiño de Inverno”. Un novo investimento que vén demostrar, con feitos e en palabras do Deputado, “o compromiso que temos na Deputación de Lugo coa mobilidade e o equilibrio territorial”.
Materiais para a Granxa Gayoso
A Xunta de Goberno adxudicou ademais o contrato do subministro de materiais de cama para o gando da Granxa Gayoso Castro da Deputación situada en Castro de Rei.
A empresa adxudicataria foi Galical Cales e Carbonatos Agrícolas SL, que por un importe de 31.900€ achegará durante un ano –coa opción de prorrogalo por outro máis- o material necesario para os cubículos dos animais da Granxa Experimental de Leite.
Polígono Industrial de Castroverde
Tamén quedou aprobada a adxudicación directa de dúas parcelas –a 28 e a 29- do polígono industrial de Castroverde. Estas parcelas foron vendidas, as dúas, por un total de máis de 65.000€. Deste xeito, son xa 12 os terreos vendidos neste espazo empresarial que conta cun total de 51 parcelas.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
