Carne de porco celta en hamburguesas e croquetas e empanadillas elaboradas no polígono barreirense maridarán na degustación do domingo con cervexa artesá, fabricada en San Xusto
Barreiros, 11 de outubro de 2024. O concello de Barreiros foi escenario da presentación conxunta dos produtos que veciñanza e visitantes poderán degustar o vindeiro domingo no marco do Mercadiño de Outono que se celebrará na Praza do Concello.
A alcaldesa, Ana Ermida, quixo destacar a importancia de utilizar as administracións como palancas para impulsar e apoiar iniciativas de calidade e proximidade. “Con esa intención naceron no seu momento os mercadiños organizados por este Concello, desde a área de Dinamización, e nese obxectivo de poñer en valor a produción e o traballo das nosas veciñas e veciños, seguimos traendo produtos de calidade e proximidade en cada mercado”.
“Queremos amosarlle ao mundo o potencial da nosa terra e apostamos por ofrecer un escaparate aos produtos de proximidade. Ademais, nesta ocasión, teremos a oportunidade de coñecer novos produtos como croquetas, empanadiñas e mesmo cervexas recén saídas das liñas de produción”.
A Asociación de Criadores de Raza Porcina Celta, representados por Nando López, e a Cervexería Artesá Augas Santas, producida no San Xusto natal de Marcos Martínez, xuntarán sinerxias e sabores o vindeiro domingo para poñer a disposición das persoas que visiten o mercadiño de outono produtos fabricados no propio concello con materia prima tamén barreirense.
Ana Ermida sinala o valor de “produtos que teñen o ciclo completo na nosa comarca e no noso concello: desde a produción de carne de porco celta, como a da explotación de Nando ou mesmo as do noso concello, como en Cabarcos, ata o seu procesamento para convertela en croquetas ou empanadiñas no polígono industrial de aquí. E o mesmo acontece coa cervexa, que utiliza na súa base auga do Santo Estevo e realiza o seu procesado nas instalacións situadas en San Xusto”.
A rexedora agradeceu a colaboración da área de Rural da Vicepresidencia da Deputación de Lugo e a súa aposta por Barreiros, aposta que comparte con estes produtores dos que valorou o seu traballo como “a mellor carta de presentación que podemos ter para o noso concello, onde o traballo das súas xentes sempre foi un símbolo do que nos sentimos moi orgullosas. E máis cando se trata de xente nova que aposta por implantar proxectos de futuro no seu propio concello”, asegurou.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
O Concello destaca que este logro é resultado do esforzo, da dedicación e da paixón polo deporte que o arqueiro demostra en cada competición, levando o nome de Cervo e do seu club ao máis alto. A administración local subliña o orgullo que supón contar con deportistas que representan valores como o traballo, a constancia e a superación.
Tras o éxito das edicións anteriores, poderán participar maiores de idade e asociacións sen ánimo de lucro con polo menos 25 artigos usados, como roupa, libros, mobles ou electrodomésticos.
A iniciativa forma parte do Plan de Sostibilidade Turística en Destino Xacobeo 2021, financiado con fondos europeos Next Generation. No acto proxectouse o tráiler e un capítulo completo. Tras a estrea, os contidos difundiranse nas redes sociais e no YouTube municipal, e no verán organizarase un novo evento para ver a serie íntegra.
Non deben prematricularse quen continúe co mesmo instrumento nin quen opte a talleres, Música e Movemento, Pandeireta ou Instrumentos Tradicionais, que se inscribirán en setembro. As solicitudes presentaranse no rexistro do Concello ou na sede electrónica, sen garantir praza. O alumnado xa matriculado mantén a súa praza se formaliza a matrícula entre o 1 e o 9 de setembro. A Escola contactará na primeira semana de setembro para confirmar dispoñibilidade segundo o Regulamento interno.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
