Foz, 16 de outubro de 2024. O alcalde de Foz, Fran Cajoto, xunto á concelleira de Cangas Ana Rojo, mantiveron unha reunión de traballo hoxe, mércores, en Foz co Delegado do Goberno Pedro Blanco; a Subdelegada, Isabel Rodríguez; o xerente da Área de Mantemento de Ourense e P.D. Noroeste de ADIF, Luis Palacios; e o Xefe do Servizo Provincial de Costas, José Miguel Estevan Dols. A xuntanza foi para abordar os desprendementos na costa.
“Estou moi agradecido a Pedro Blanco é á subdelegada por atender a nosa petición e convocar esta reunión de coordinación entre administracións. En marzo deste ano un deslizamento de terreo na praia de Arealonga, entre Fazouro e Nois, obrigounos a desviar o paseo e puxo en risco a vía do ferrocarril. ADIF executou unhas sondaxes xeotécnicas para analizar o terreo e agora cómpre dar unha solución para manter a integridade da vía. Esta reunión con todas as administracións implicadas serviu para informarnos dos estudos realizados e avanzar nas solucións: resultou moi produtiva”, destacou o alcalde.
Na reunión tamén se tratou o estado do paseo marítimo no cala de San Pedro en Cangas. “Este mes remataron as sondaxes xeotécnicas que contratou Costas para o paseo de Cangas. Cos datos obtidos vaise redactar un proxecto construtivo que garanta o paso peonil dunha maneira segura por este punto: nestes momentos estamos a desviar o paso dos peóns por unha nacional cunha elevada densidade de tráfico. Queremos darlle unha solución canto antes e que sexa duradeira no tempo”, afirma o rexedor municipal.
O alcalde de Foz aproveitou a reunión para trasladarlle tamén ao responsable de ADIF as necesidades de mantemento nas cinco estacións e apeadoiros existentes no municipio, que presentan deficiencias de limpeza, iluminación e accesibilidade. “A estación de Foz está illada, non é accesible a pé desde o casco urbano. Plantexamos como posibilidade un paso inferior baixo a estrada nacional. Esta actuación, xunto a unha adecuación do entorno, permitiría facela atractiva para os usuarios”, explica Fran Cajoto.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
