A Mariña, 17 de outubro 2024. A pretensión do goberno galego de aprobar un novo taxazo de SOGAMA en 2025, logo da suba xa aprobada en xullo de 2024, suporía un incremento acumulado de máis do 60%: o canon tipo pasaría dos 68 euros/tonelada da primeira metade de 2024 (coa bonificación do 15% máis de 100 concellos pagaban 56 euros) aos 108 euros en 2025.
“Esto suporía un auténtico sablazo e un atraco que merece unha resposta contundente por parte dos concellos” , afirman desde o BNG, que veñen de facer pública na Mariña a súa postura a respecto deste novo ataque á economía dos concellos e das súas veciñas e veciños. Diante da planta de transferencia de Sogama ubicada en Barreiros compareceron membros dos gobernos e cogobernos municipais nacionalistas na comarca, xunto con Lois Pérez Castrillo, membro da executiva nacional do Bng e responsable de política municipal, o responsable comarcal Antonio Veiga, o deputado no Parlamento Daniel Castro e participou tamén Ana Ermida, alcaldesa de Barreiros que forma parte da executiva da FEGAMP e é a vicepresidenta da Mancomunidade de Municipios da Mariña.
O BNG chama á rebelión dos concellos fronte ás imposicións e os taxazos da Xunta
Como resposta ao sablazo do 30% aprobado en xullo e ao novo taxazo anunciado para o 2025 (que levará o canon a 108 euros por tonelada), o que supón un incremento total de máis do 60% de media en poucos meses (o incremento é maior para os máis de 100 concellos que pagaban un canon bonificado de 56 euros por tonelada a cambio de implantar a recollida separada dos biorresiduos), o BNG está a desenvolver unha intensa e contundente campaña con iniciativas no Parlamento e nos concellos, para que tanto a cámara galega como as corporacións municipais se posicionen en contra deste sablazo acumulado que supón un novo ataque da Xunta ás economías municipais, xa moi deterioradas e mermadas polo déficit de financiamento e pola asunción de novas competencias sen o necesario trasvase de recursos.
“É o momento de dicir basta, de plantarlle cara ás decisións unilaterais e abusivas da Xunta. Por iso chamamos á rebelión democrática dos concellos contra o abuso de poder, a imposición e o desprezo á autonomía municipal” declarou Ana Ermida que denunciou tamén a actitude da Xunta que “en lugar de abrir un debate sobre a cuestión dos residuos e introducir cambios no sistema de xestión para adaptalo ás exixencias da directiva marco de residuos, a Xunta opta por facerlle pagar aos concellos o fracaso dun sistema centralizado, obsoleto, moi costoso e antiecolóxico e opta tamén pola solución fácil: un novo sablazo aos concellos seguindo co seu modus operandi de buscar culpables en lugar de propoñer solucións”
Cara a un novo modelo de xestión dos residuos municipais
Xunto con este rexeitamento aos taxazos de SOGAMA (o aprobado en xullo e o anunciado para 2025), o BNG propón un xiro na política de residuos, primando e incentivando a recollida selectiva, a reutilización e a reciclaxe, fronte ao costoso e antiecolóxico sistema SOGAMA baseado na incineración e o vertido, solucións que supoñen o 80% dos residuos tratados nas instalacións de Cerceda e que están penalizadas pola normativa europea.
Non é aceptable que a solución que debería ser prioritaria, a recollida separada e compostaxe dos biorresiduos, supoña un ridículo 0,3% dos residuos xestionados por SOGAMA cando supoñen case o 50% do total dos residuos municipais. “Hai que comezar xa a tomar medidas para avanzar cara ao obxectivo do 55% de reciclaxe establecido pola normativa europea, estatal e galega” concluiu o deputado Daniel Castro.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
