Alfoz, 18 de outubro, 2024. As familias do CEIP Plurilingüe Castro de Ouro mantiveron unha reunión na tarde do venres para analizar a situación do colexio, tras recibir o escrito do xefe de inspección de Lugo. Tras a revisión do documento, exposto no Consello Escolar celebrado no propio centro, decidiron, por unanimidade, continuar coa folga en protesta polo que consideran un abandono do centro por parte da Xunta de Galicia. No consello escolar recordouse que desde a Xefatura Territorial de Lugo se garantira ao final do curso pasado que neste o centro contaría cos mesmos recursos, algo que non se cumpriu.
O documento da inspección recoñece que o colexio presenta necesidades, pero afirma que estas deben ser atendidas cos recursos actuais dispoñibles no centro. As familias consideran que esta valoración non reflicte a realidade que viven a diario, especialmente no que respecta aos alumnos con necesidades educativas especiais, que non están a recibir a atención axeitada. Ademais, recordan que en varias ocasións o centro presentou informes á Administración indicando estas necesidades, e a resposta da Xunta foi a supresión da especialista en Pedagoxía Terapeituca, coa que o centro contaba o pasado curso. “Non estamos pedindo nada que a Xunta non nos poida ofrecer, como parece que nos están facendo entender, só os recursos que permitan que os nosos fillos e fillas reciban unha educación en condicións”, explicaron as familias na reunión.
Para as familias, esta situación resulta especialmente frustrante, xa que ven como o ensino dos seus fillos se deteriora debido á supresión de recursos. “É incomprensible que nos ignoren desta maneira, cando está claro que as necesidades son reais. Os nosos nenos están sendo prexudicados día tras día”, sinalan. As familias lembran que a Xunta de Galicia ten a obriga de garantir un ensino público de calidade e que o centro de Alfoz leva denunciando a falta de recursos desde o inicio do curso.
Como medida inmediata, as familias decidiron seguir sen enviar aos seus fillos ao colexio mentres non se atenda a súa demanda de forma adecuada. “Non é unha decisión fácil, pero non temos outra alternativa. Queremos que os nosos fillos reciban a atención que merecen e non imos ceder ata que iso suceda”, afirmaron.
Ademais de continuar coa folga, as familias acordaron unirse á manifestación convocada pola Plataforma Galega en Defensa do Ensino Público, que terá lugar o sábado 26 de outubro ás 12 horas na Alameda de Santiago de Compostela. As familias consideran que esta é unha oportunidade para visibilizar a súa situación e sumar forzas coa loita doutras comunidades educativas en Galicia que tamén están a reivindicar unha mellor educación pública. “A nosa situación non é un caso illado. Hai moitos centros como o noso que están a sufrir a mesma falta de atención. Por iso, é importante que nos mobilicemos xuntos”, indicaron as familias.
Na reunión tamén se quixo expresar o agradecemento a todas as familias que están a secundar a folga, recoñecendo que non é unha situación fácil para ninguén. “Sabemos que é unha decisión difícil, especialmente para as familias que teñen que facer un gran esforzo para coidar dos nenos mentres non están no colexio. Pero estamos convencidos de que é a única maneira de presionar á Xunta e facer que escoiten as nosas demandas. Non estamos sós nesta loita”, explicaron.
Finalmente, as familias adiantaron que están a valorar novas medidas de presión que se poderían levar a cabo a partir da próxima semana se a situación non mellora. Non descartan máis accións reivindicativas ou mobilizacións locais para seguir visibilizando o problema e esixindo solucións concretas por parte da Administración. O obxectivo segue sendo o mesmo: que o CEIP Plurilingüe Castro de Ouro dispoña dos recursos necesarios para garantir un ensino de calidade para todos os seus alumnos e alumnas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
