Os orzamentos autonómicos continúan coa aposta da Xunta polos hospitais comarcais ao recoller 6,5 millóns de euros para avanzar na ampliación do Hospital da Mariña e no Plan director do Hospital de Monforte
Lugo, 18 de outubro de 2024. O conselleiro de Sanidade, Antonio Gómez Caamaño, avanzou hoxe que os orzamentos da Xunta para o vindeiro ano destinarán á área sanitaria de Lugo, A Mariña e Monforte de Lemos 675 millóns de euros, un 5,7% máis que o ano anterior, e cun crecemento por enriba do que medran as contas da Consellería en 2025.
O conselleiro de Sanidade, Antonio Gómez Caamaño, avanzou estes datos na súa visita ao centro de saúde de Fingoi, na que estivo acompañado polo delegado territorial da Xunta en Lugo, Javier Arias, e do xerente da área sanitaria de Lugo, A Mariña e Monforte de Lemos, Ramón Ares.
O incremento orzamentario posibilitará mellorar infraestruturas e equipamento e seguir blindando unha asistencia sanitaria de calidade para os veciños e veciñas desta área sanitaria.
As contas da Consellería para o vindeiro ano acreditan o compromiso do Executivo galego coa cidade de Lugo, posto que van permitir iniciar as obras do centro de saúde da Milagrosa, coa partida de 1 millón de euros reservada ao efecto.
Tamén posibilitarán avanzar nunha infraestrutura prioritaria para o Goberno galego, o centro de saúde do Sagrado Corazón. A tal fin, o conselleiro remarcou a vontade da Xunta de impulsar esta infraestrutura para o que agarda retomar o diálogo co Concello, toda vez que modificou a súa proposta inicial. Neste sentido, o conselleiro pídelle ao Concello que despexe dúbidas e non poña atrancos para unha áxil construción.
Gómez Caamaño tamén puxo en valor que os novos orzamentos permitirán seguir apostando polos hospitais comarcais da provincia, aos que se destinan preto de 6,5 millóns de euros para avanzar na ampliación do Hospital da Mariña (5M€) e no Plan director do Hospital de Monforte (1,4M€) co obxectivo de contar con espazos máis modernos e funcionais.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
