Nota de prensa:
O CONCELLO ENTREGA PRETO DE 23.000 EUROS EN AXUDAS AOS CLUBS E ASOCIACIÓNS DEPORTIVAS DO MUNICIPIO
*
O concelleiro de Deportes fixo entrega onte pola tarde das subvencións aos representantes das entidades receptoras
*
Estas axudas teñen por obxecto colaborar cos gastos correntes derivados da participación en campionatos deportivos federados ou realización de actividades de promoción deportiva, así como tamén compensar os gastos xerais de funcionamento, conservación, mantemento e reparacións nos que incorran estes clubs.
Cervo, 28 de outubro de 2008.- O edil delegado de Deportes, Rubén Fernández, fixo entrega onte pola noite das subvencións concedidas aos clubs e asociacións deportivas do municipio conforme á orde de convocatoria destas subvencións publicada o pasado 26 de maio no Boletín Oficial da Provincia de Lugo (BOP).
Os clubs beneficiarios destas axudas son a S.D Cervo-Sargadelos, o C.D. San Román, o C.D. San Ciprián e a S.D. Candelaria. A cantidade total destinada polo Concello a esta liña de subvencións é de 22.990 euros e ten por obxecto colaborar nos gastos correntes derivados da realización das actividades de promoción deportiva ou participación en campionatos deportivos federados, así como tamén compensar os gastos xerais de funcionamento, conservación, mantemento e reparacións menores nos que poidan incorrer estas entidades.
“Dende o Concello procuramos botar unha man a estas entidades dentro das nosas posibilidades económicas, porque sabemos do esforzo que fan para promocionar a práctica do deporte entre os veciños do municipio. Por iso, creemos que estas axudas reflicten a gran aposta que O Concello realiza polo deporte local, as cales se complementan con outras iniciativas coma as escolas deportivas e a posta a disposición do público en xeral das moitas e boas infraestruturas deportivas das que dispoñemos no concello” indicou Rubén Fernández.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
