Os deputados populares ven fundamental que o Ministerio de Industria convoque a mesa de seguimento de Alcoa así como a autorización dos parques eólicos vencellados á produción de enerxía para esta factoría a prezos competitivos
Lugo, 28 de outubro de 2024. O Grupo Provincial Popular defenderá no pleno de mañá unha moción de urxencia para que o Goberno central tome de inmediato medidas concretas para garantir a viabilidade de Alcoa: “non valoramos outro escenario que a unanimidade do pleno xa que é un problema que nos afecta a toda a provincia, non só á Mariña”, sinalaron.
Para os deputados urxe que o Ministerio de Industria e Turismo convoque a mesa de seguimento de Alcoa San Cibrao así como a autorización dos parques eólicos vencellados á produción de enerxía para a factoría mariñá a prezos competitivos.
No Grupo Provincial Popular tamén ven necesario que o Goberno do Estado consigne os 74M€ correspondentes ás compensacións da compra dos dereitos de emisión de CO2 indirecto que non percibiu entre os anos 2018 e 2021 e o aumento da dotación orzamentaria ata o máximo legalmente permitido pola normativa europea para compensar os custos indirectos por CO2 da industria electrointensiva.
ORZAMENTOS PROVINCIAIS PARA 2025
No pleno de mañá, os deputados populares defenderán unha batería de 50 medidas “para incorporalas ás contas provinciais do vindeiro ano”.
Ante a falta dun borrador de orzamentos e dunha convocatoria dunha xuntanza por parte do goberno provincial para abordar os presupostos do próximo ano, “no Grupo Provincial Popular fixemos o que non fan nin PSOE nin BNG, sentarnos cos alcaldes e portavoces dos 67 concellos da provincia para coñecer as súas principais necesidades e reivindicacións, de aí o documento que defenderemos no pleno de mañá xa que son as peticións dos veciños de toda a provincia”.
Os deputados populares explican que estas medidas buscan “a igualdade para todos os lucenses da provincia” e abarcan dende o mantemento das estradas provinciais, o ciclo da auga, a recollida dos animais abandonados ou a cooperación cos propios concellos.
Tamén se abordará outra iniciativa para que a Deputación de Lugo habilite unha partida orzamentaria para axudar a todos os profesionais do sector agrogandeiro que se viron afectados polas inclemencias meteorolóxicas e sufriron as súas consecuencias.
Moción que tamén pedirá que o apoio se faga extensivo a outras administración, como a Xunta de Galicia a través do incremento da partida orzamentaria para 2025 que a Consellería do Medio Rural dirixe a fomentar a contratación de seguros agrarios para facer fronte a este tipo de situacións; e que o Goberno do Estado colabore para paliar as consecuencias das inclemencias meteorolóxicas.
ROGOS E PREGUNTAS
Os deputados populares tamén preguntarán que ten pensado facer o goberno provincial cos bens inventariados e depositados na nave de Begonte (no polígono de Carral) e que se deberían de poñer a disposición de todos os municipios da provincia que os soliciten, así como a que van a destinar PSOE e BNG parte da liquidación dos tributos do Estado do ano 2022 que aínda non consignaron.
Tamén se presentarán dous rogos relativos ao mantemento das estradas provinciais, un referente á LU-P-5601, en Folgoso do Courel, que ten un treito no aire polo corremento de parte da terra sobre a que se asenta, e tamén sobre o estado das estradas LU-P-0802 e LU-P-2303, ambas en Begonte, que provocaron manifestacións por parte dos veciños dado o seu nefasto estado de conservación.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
