Financiadas pola Deputación de Lugo, as actividades desenvolveranse en 16 parroquias de forma totalmente gratuíta e sen necesidade de inscrición previa
Vilalba, 4 de novembro de 2024. O Concello de Vilalba vén de anunciar un novo programa de dinamización rural a través de diversas actividades financiadas pola Deputación de Lugo e dirixidas a todas as xeracións.
En concreto, o programa de dinamización rural inclúe actividades de iniciación ao deporte, manualidades, memoria, ximnasia de mantemento e novas tecnoloxías que se levarán a cabo nun total de dezaseis parroquias: Lanzós, Carballido, Torre, Nete, Noche, Tardade, Árbol, Alba, Sancovade, Ladra, Distriz, Santaballa, Belesar, Vilapedre, Codesido e Goiriz.
“Grazas ao compromiso da Deputación de Lugo co noso Concello puidemos impulsar este novo programa de dinamización rural que se levará a cabo en todas aquelas parroquias nas que as asociacións de veciños manifestaron a súa vontade de participar”, explicou a alcaldesa de Vilalba, Marta Rouco.
Nesa liña, dende o Concello de Vilalba realizouse unha rolda de contactos previos con todas as asociacións veciñais rexistradas nas diversas parroquias do municipio, de tal forma que as actividades de dinamización rural se repartiron entre as asociacións interesadas en participar neste novo programa.
Así, as actividades terán lugar nos meses de novembro, decembro e xaneiro en horario de tarde de luns a venres. Os veciños interesados en participar nas mesmas non precisarán inscribirse de forma previa e tampouco deberán abonar ningunha cota, pois trátase de actividades totalmente gratuítas.
Finalmente, a alcaldesa, Marta Rouco, quixo salientar “a importancia da colaboración entre institucións para poder sacar adiante proxectos de interese xeral, como neste caso a Deputación de Lugo, que amosa, unha vez máis, o seu compromiso co noso municipio a través deste novo programa de dinamización rural”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
