Nota de Prensa
OS POPULARES DA MARIÑA DENUNCIAN QUE A DEPUTACIÓN ESQUECE AS VÍAS PROVINCIAIS DA COMARCA
* Aseguran que no Plano de Conservación só se prevé actuar en 108 dos preto de 800 Kms de estradas de competencia provincial
* Afirman que A Mariña conta pouco no proceso de transferencias de estradas Xunta-Deputación
Burela, 24 de novembro de 2008.- Os deputados provinciais do PP pola Mariña José María González Barcia, José Manuel Yanes Ginzo e Guillermo Leal Arias, xunto con alcaldes e voceiros municipais populares, denunciaron hoxe en Burela o trato que a Deputación está a ter coa comarca. Así, segundo indicaron, a administración provincial esquécese durante o inverno do mantemento da rede viaria que é da súa competencia nestes concellos e por riba non prevé levar a cabo ningunha actuación relevante para mellorar as súas condicións de vialidade.
Os populares denunciaron que o Plano de Conservacion da Rede Viaria Provincial elaborado polo bigoberno provincial, ademais de chegar tarde, xa que tiña que estar licitado e adxudicado polo verán; chega mal, porque abarca moi poucos quilómetros de estradas no que se refire a actuacións programadas, e chega arrastro, porque prima o rego asfáltico sobre o aglomerado en quente ou en frío.
Por elo, afirman que as críticas que no seu día fixo o PSOE vólvense agora contra deles, por seren incapaces de xestionar os recursos da Deputación cun criterio axeitado.
Os deputados provinciais indicaron que as actuacións que están proxectado realizar nas vías provincias da comarca ó amparo do Plano de Conservación resultan desoladoras. Os datos así o constatan:
Total de kilómetros da rede viaria provincial na Mariña.- 799’699 km
Total de kilómetros sobre os que se prevén actuacións programadas.- 108’971.
Tanto por cento sobre o total da rede viaria provincial na comarca.- 13’62%
Actuación con trartamento simple (gravilla con ECR-3).- 47’686 km, que representan o 5’96% do total da rede viaria provincial na comarca.
Actuación con doble tratamento (gravilla con ECR-3), 35’587, o que representa o 4’45% do total da rede viaria provincial na comarca.
Rexeneracion do firme. (gravillon, gravilla e ECR-2), 22’038 km, o que representa o 2’76% do total da rede viaria provincial na comarca.
Saneo da plataforma (zahorra, grava, gravilla e ECR3) 2’300 km, o que representa o 0’3% da rede viaria provincial na comarca.
Reforzo do firme con aglomerado en quente.- 1’360 km. O que representa o 0’17% da rede viaria provincial na comarca.
Actuacion sobre cunetas.- 121’245 km, o que representa o 15’16% da rede viaria provinvial na comarca.
Os populares lembran que o presuposto de execución por contrata para este plan de conservación no conxunto da comarca é de 2.450.210€, e nel están incluidas as actuacións programadas, que son claramente insuficientes.
Estas actuacións realizábanse, co anterior equipo de goberno, con proxectos separados, que eran infinitamente máis numerosos que as que se programan agora. Así, por exemplo, a rexeneración da estrada Burela-San Cibrao, no seu tramo burelés, de 2,5 KM., costou 250.000’00€, a décima parte do que o actual Goberno provincial van investir en toda a Mariña.
Sen ir máis lonxe, en Mondoñedo actuarase unha única estrada, a dos Remedios a Romariz; en Riotorto, noutra, a de Santo Tomé a Mazo, curiosamente en 850 metros ó seu paso polo termo municipal de Riotorto; e en Barreiros en ningunha, ó igual que en Ribadeo.
No caso de Barreiros, hai que lembrar que está igual que estaba o novo vial de comunicación paralelo á vía de FEVE, e que xa tiña un tramo adxudicado.
ACTUACIÓNS EN TRAMOS CORTOS.-
Ademais, o que antes criticaban, actuar en tramos cortos, volven a facelo agora. Así, na estrada San Cibrao-Burela, actuarase con aglomerado en quente nun tramo de 460 metros, dende o pk 1’040 ó pk 1’500.
No concello de O Vicedo, farase nun tramo que tén 400 metros, con rego asfáltico ECR-3, na estrada de Vicedo á Cruz da Pardiñeira e o tramo de aglomerado en quente na estrada San Cibrao-Burela é o único que vén programado con tal material.
Hai máis cousas que chaman a atención, ó entender dos respresentantes populares. Destacan, por exemplo, que se fan distintas actuacións na mesma estrada, pero de xeito contiguo.
Así, na estrada de Cadramón a Pereiros, nos concellos de Alfoz e O Valadouro, faise un tramo de 1.300 metros con doble tratamento de rego asfáltico, e inmediatamente a continuación fanse 400 metros con tratamento simple. Por qué non facer os dous tramos con doble tratamiento, preguntanse dende o PP.
Na estrada de Alfoz, de Rúa Oirás a Pereiro, faise un tramo de 1.300 metros e outro de 80 metros, e no medio queda un tramo sen tocarlle de 270 metros. Por que non abordala na súa integridade, pregúntanse os populares.
Ó entender dos representantes do PP na comarca da Mariña e en base ós datos esgrimidos, estes proxectos non están ben redactados.
Salientan asemesmo que a rede viaria da Deputación está descuidada, porque pasou un ano sen que se lle tocara. Indicaron a este respecto que o último programa de conservación foi adxudicado polo anterior equipo na primavera de 2007, hai máis de ano e medio, o que constata a despreocupación do bigoberno da Deputación pola conservación e mellora destas infraestructuras.
DATOS ADXUNTOS Plano de Conservacion da Rede Viaria Provincial na Mariña
ZONA.- 01
Concellos.- VICEDO, VIVEIRO, XOVE, BURELA, CERVO E OUROL.
TOTAL DE KILÓMETROS DA ZONA INCLUIDOS NO PROXECTO.- 287’452
TOTAL DE KILÓMETROS SOBRE OS QUE SE ACTUARÁ.- 52’035
TANTO POR CENTO DA REDE VIARIA SOBRE A QUE SE ACTÚA.- 18’12%
ACTUACIÓN CON TRATAMENTO SIMPLE.- 31’235 km
ACTUACIÓN CON DOBLE TRATAMENTO.- 11’540 km
REXENERACIÓN DO FIRME.- 8’500 km
REFORZO DO FIRME M. B. C..- 0’460 km
SANEO DE PLATAFORMA.- 0’300 km
TOTAL KILÓMETROS NOS QUE SE REABREN CUNETAS, 52’035, QUE É O 18’12% DO TOTAL.
ZONA.- 02
Concellos.- O VALADOURO, FOZ, ALFOZ, BARREIROS, LOURENZÁ, RIBADEO E TRABADA.
TOTAL DE KILÓMETROS DA ZONA INCLUIDOS NO PROXECTO.- 187’890
TOTAL DE KILÓMETROS SOBRE OS QUE SE ACTUARÁ.- 28’237
TANTO POR CENTO DA REDE VIARIA SOBRE A QUE SE ACTÚA.- 15’03%
ACTUACIÓN CON TRATAMENTO SIMPLE.- 8’901 km
ACTUACIÓN CON DOBLE TRATAMENTO.- 9’997 km
REXENERACIÓN DO FIRME.- 7’839 km
REFORZO DO FIRME M. B. C..- 0’500 km
SANEO DE PLATAFORMA.- 1’000 km
TOTAL DE KMS NOS QUE SE REABREN CUNETAS.- 28’237 KM, 15’03% DO TOTAL DA REDE NA ZONA.
ZONA.- 03
Concellos.- MONDOÑEDO, ABADÍN, A PONTENOVA, RIOTORTO E A PASTORIZA.
TOTAL DE KILÓMETROS DA ZONA.- 324’357
TOTAL DE KILÓMETROS SOBRE OS QUE SE ACTUARÁ.- 28’699
TANTO POR CENTO DA REDE VIARIA SOBRE A QUE SE ACTÚA.- 8’94%
ACTUACIÓN CON TRATAMENTO SIMPLE.- 7’550 km
ACTUACIÓN CON DOBLE TRATAMENTO.- 14’050 km
REXENERACIÓN DO FIRME.- 5’699 km
REFORZO DO FIRME M. B. C..- 0’400 km
SANEO DE PLATAFORMA.- 1’000 km
TOTAL KILÓMETROS NOS QUE SE REABREN CUNETAS.- 40’973, 12’63% DO TOTAL.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
