Nota de prensa
SPACE GASIFRED-BURELA FS, REMINISCENCIAS DE PLAY OFF
O Burela FS partiu hoxe a mediodía con rumbo ás illas Baleares para medirse a un rival que coñeceu e venceu no pasado play off, o Space Gasifred Ciutat d’Eivissa. O Polideportivo Insular Blancadona acollerá o encontro mañá, ás 17.30 horas, pertencente á décima xornada de Prata.
O cadro laranxa atopará un rival correúdo co hándicap engadido dunha pista sintética, que prexudica a velocidade de xogo á que os mariñáns están acostumados. É unha cita repleta de dificultades para o Burela FS. A clasificación do Gasifred, décimo sexto con 4 puntos, non debe levar a enganos aos pupilos de Suso Rey, posto que se enfrontan a un equipo moi forte na casa; ata o momento tan só disputaron tres encontros como locais e en dous deles sacaron os puntos actuais (Cáceres 3-3 e Zamora 4-3). Os insulares recibirán os burelistas con moitas ganas, tras as dúas derrotas encadeadas ante os de arriba, Puertollano (2-0) -segundo- e Ribera Navarra (3-2) -terceiro.
A escuadra mariñá afronta a cita sen novidades en lesións; o gaditano Víctor Cachón xa comezou a facer carreira e evoluciona favorablemente da rotura de ligamento lateral interno. Volverá Suso Rey ao banco, despois de cumprir a sanción de dous encontros imposta ante ElPozo. No entanto, quen non estará será o capitán, Juanma; o club concedeulle permiso para non viaxar, por motivos persoais.
Nas filas eivisencas, perderá o duelo Álex del Amor, sancionado cun encontro de suspensión por “utilizar medios violentos cun contrario” ante o Ribera Navarra. O enfrontamento cos tudelanos tamén lle trouxo problemas a Hugo Nava; o técnico estará apartado das pistas cinco xorndas, tres por “dirixirse a un dos colexiados en termos de desconsideración e menosprezo grave” e dous adicionais por “permanecer na bancada dando instrucións aos seus xogadores despois de ser expulsado, facendo caso omiso ás indicacións arbitrais”. Ademais, a presenza do ala brasileiro Alves, ex do Gijón-El Llano, é dubidosa, por unha lesión de nocello.
A afección laranxa poderá seguir o encontro, minuto a minuto, polo chat on line da emisora balear Radio Energía.
Cheque Regalo de Cruceiro. Os socios/as laranxas xa poden pasar polas oficinas do CD Burela FS para recoller o seu ‘Cheque Regalo de Cruceiro’, por xentileza do Club Oro Viajes. Este bono brinda a posibilidade de gozar dun desconto de 300 euros no caso de 2 adultos, con ou sen nenos, e 150 euros de desconto para 1 adulto viaxando só (maiores de 18 anos) nunha reserva de cruceiro da compañía MSC Cruceros de mínimo 8 días. O hotel La Quinta Park Suites, de Tenerife, tamén ofrecerá vantaxes para os socios/as burelistas, cun desconto de 150 euros no caso de 2 adultos, con ou sen nenos, ou 75 para 1 adulto viaxando só, nunha estancia mínima de 7 días, con media pensión.
A Pataca Naranxa. A peña burelista A Pataca Naranxa reunirá os seus socios/as nun xantar o sábado 6 de novembro, coincidindo coa visita do Arcebansa Zamora FS a Vista Alegre. Será ás 15.00 horas, na Parrillada de Jandro, cun prezo de 10 euros. Todos os interesados/as xa poden reservar a súa praza a través do número 607 74 87 86 ou recoller os tíckets na cafetería Vista Alegre ou na propia parrillada.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
