A conselleira do Medio Rural, María José Gómez, e o rexedor mindoniense, Manuel Ángel Otero, abordaron nunha xuntanza de traballo as necesidades estruturais e de equipamento advertidas na infraestrutura municipal
Lugo, 12 de novembro de 2024. A Consellería do Medio Rural e o Concello de Mondoñedo exploran vías de colaboración para modernizar as actuais instalacións do matadoiro municipal mindoniense, a fin de solucionar as necesidades advertidas nas instalacións e poder mellorar así a prestación dos servizos ofrecidos ao sector agrogandeiro e ás industrias cárnicas da comarca.
A mellora das infraestruturas e, sobre todo, do vello equipamento do que dispón na actualidade o matadoiro de Mondoñedo centrou a reunión celebrada na sede luguesa da Xunta de Galicia entre a conselleira do Medio Rural, María José Gómez, e o rexedor mindoniense, Manuel Ángel Otero, quen aproveitou este encontro para salientar a importancia do matadoiro no desenvolvemento socioeconómico da propia cidade de Mondoñedo e da súa contorna.
A actividade que se desenvolve no matadoiro, que presta servizo a veciños e industriais de Mondoñedo, ademais doutros municipios próximos, tales como Abadín, A Pastoriza, Lourenzá, Riotorto, Alfoz, O Valadouro ou mesmo A Pontenova, xustifica o interese público desta instalación municipal, sinala Otero.
Por iso, o alcalde trasladou á conselleira do Medio Rural a importancia de renovar os actuais equipamentos para optimizar a eficiencia e mellorar a rendibilidade dunhas instalacións que cada ano contabilizan un elevado número de sacrificios de exemplares de gando vacún e, sobre todo, de porcino.
Carácter singular da infraestrutura
Unha vez coñecidas as necesidades do matadoiro municipal, e consciente da importante prestación de servizos que supón esta infraestrutura para a veciñanza da contorna, a conselleira ofreceu a colaboración da Xunta para garantir a súa continuidade, tendo en conta o seu carácter singular na área central da Mariña luguesa, malia contar cun equipamento obsoleto.
Gómez Rodríguez solicitou neste senso ao Concello de Mondoñedo a presentación dun proxecto detallado de necesidades, a fin de avaliar o seu encaixe nalgunha das liñas de axuda dispoñibles por parte da Administración autonómica.
O apoio ofrecido desde a Consellería do Medio Rural aos concellos para o mantemento da actividade de infraestruturas municipais, tal e como poden ser os matadoiros, explica Gómez Rodríguez, responde á clara pretensión da Xunta de Galicia de contribuír a mellorar a calidade de vida da veciñanza dos territorios rurais, a través da prestación de servizos e da implantación de medidas que favorezan o seu desenvolvemento económico.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
