Don Ramón Fernández Mato foi o primeiro director do prestixioso xornal “El Pueblo Gallego”, fundado en Vigo o ano 1924, propiedade do político Portela Valladares. O seu maior competidor era o “Galicia”, do que era redactor-xefe o poeta Roberto Blanco Torres, a quen se lle dedicou o Día das Letras Galegas en 1999. Cóntase que este, na loita por ganar lectores, tivo un desliz informativo, atribuíndo a Mato certas relacións cunha dama da sociedade viguesa; quen, romántico e aventureiro, “ipso facto” desafiou a aquel a un duelo con espada, sinalando data e lugar. Este sería nada menos que sobre o escenario do Teatro Tamberlik, de Vigo, cando estes lances estaban xa prohibidos por lei. Algún familiar dos contendentes (dise que un cura parente de Roberto Blanco) puxo o feito en coñecemento da autoridade e a policía evitou que o duelo se consumase, con gran desgusto de Mato, tan preparado para o enfrontamento que mesmo tomara leccións de esgrima. Foi por esas cando na ría de Vigo se produciu a maior hecatombe humana: sesenta mariñeiros de Bouzas pereceron afogados. En tempos tan pobres, de absoluto desamparo social, é fácil comprender o impacto que a traxedia causou na poboación. Formouse unha comisión cidadán para auxiliar a tanto damnificado, presidida por Fernández Mato quen solicitou audiencia ó rei para expoñerlle o alcance e consecuencias do sinistro e pedir a súa mediación. Alá foi o aposto republicano enfundado no “smoking” e chisteira e apoiado en artístico caxato para ser recibido por Alfonso XIII. A comisión baixo a súa presidencia organizou un partido de fútbol entre o Real Madrid e unha selección galega. Foi tal o éxito económico que Mato foi elixido presidente do Celta; el que nen afeccionado ó fútbol era. Pero a experiencia valeulle para escribir a súa primeira novela: “La tragedia del delantero centro”. Anos despois, ó estalar a guerra incivil, Mato (Director Xeral de Seguridade do goberno republicano) fuxíu a Cuba nun barco fondeado na bahía de Alicante, e Blanco Torres, tras ser encarcelado, foi fusilado no cemiterio de Entrimo-Ourense o día 3 de outubro de 1936
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
