Alfonso Villares subliñou que a sentencia do Tribunal Constitucional que declarou constitucional a LOXILGA establece un novo marco que permite reimpulsar o proceso, polo que a partir do vindeiros días comezarán a celebrarse reunións cos concellos implicados
Santiago de Compostela, 26 de novembro de 2024. A Xunta de Galicia, a través da Consellería do Mar, e a Fegamp veñen de consensuar os criterios que determinarán a elección dos terreos portuarios que se incluirán na primeira fase de reversións de superficies de dominio público portuario á Administración Xeral do Estado. Así o manifestaron esta mañá o conselleiro do Mar, Alfonso Villares, e o presidente da Federación Galega de Municipios e Provincias nunha reunión na que tamén participou o presidente de Portos de Galicia, José Antonio Álvarez, na que o representante do Executivo galego presentou a proposta de actuación da Xunta de Galicia e agradeceu a colaboración da FEGAMP no proceso.
Villares explicou que a sentenza do Tribunal Constitucional que declarou constitucional a Lei de Ordenación Integral do Litoral de Galicia (LOXILGA) establece un novo marco que permite reimpulsar o proceso de reversións. Por este motivo, nos vindeiros días celebraranse reunións cos concellos implicados para presentar as propostas técnicas elaboradas por Portos de Galicia para a delimitación concreta das superficies declaradas innecesarias para a actividade portuaria, susceptibles de reversión e contrastadas coas dos concellos.
O conselleiro do Mar insistiu na complexidade do proceso longo pola súa complexidade, que ten que culminar coa aprobación no Consello de Ministros. Segundo explicou, logo das reunións con concellos os trámites a seguir serán a elevación da proposta ao Consello Reitor de Portos de Galicia, a remisión a Consellería de Facenda, dadas as súas competencias en materia de patrimonio, que o elevará ao Consello da Xunta. Logo da aprobación remítese á Administración Xeral do Estado para a súa tramitación e aprobación en Consello de Ministros.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
