O deputado lucense e portavoz de Industria do Grupo Popular afeou “a incompetencia” do Goberno de Sánchez para a xestión industrial na Comisión de Industria e Turismo do Congreso dos Deputados
Madrid, 13 de decembro de 2024.- O deputado lucense e portavoz de Industria do Grupo Popular, Francisco Conde, advirte de “arbitrariedade” por parte do Goberno de Sánchez á hora de xestionar ante a Comisión Europea os fondos europeos para o proxecto de fábrica de fibras téxtiles de Altri en Palas de Rei.
O popular lembrou durante a Comisión de Industria e Turismo celebrada este xoves que o Goberno de España si xestionou fondos de 450M€ para Arcelor, 155M€ para a planta de Repsol en Cartaxena, 74M€ para Green H2 Los Barrios ou 80M€ para outro proxecto en Aragón; todos eles sen iniciar a tramitación ambiental.
Conde pregúntase a que está esperando o Goberno para solucionar o financiamento de Altri ante a Comisión Europea despois de que o Ministro de Industria e Turismo se comprometera fai un ano a facer as xestións oportunas para dar resposta ás súas necesidades de financiamento”.
O deputado lucense afea “o incumprimento do Goberno de Sánchez cun proxecto para a instalación en Galicia e, particularmente en Lugo, dunha industria que permita xerar emprego” e que “non conta co mesmo apoio que outros proxectos industriais doutras rexións que si teñen concedidos fondos europeos sen ter sequera iniciada a tramitación ambiental”.
O portavoz de Industria do Grupo Popular no Congreso condenou durante a súa intervención “a incompetencia do Goberno de Sánchez, desde o punto de vista da xestión industrial, para favorecer a localización de industrias no noso territorio”.
Incluso apuntou que “o Ministerio de Industria e Turismo é o peor en execución de fondos europeos con só o 6,6%”. De feito, o Goberno de Sánchez deixou de executar en materia de industria 25.291M€ nos últimos seis anos e 9.975M€ no 2024.
PROXECTO DE LEI DE INDUSTRIA E AUTONOMÍA ESTRATÉXICA BALEIRO DE CONTIDO
Francisco Conde advirte que o proxecto de Ley de Industria e Autonomía Estratéxica presentado polo Goberno de Sánchez está “baleiro de contido”. E así, “non podería contar co apoio do Partido Popular”.
Concretamente, o deputado popular subliñou que “presentaron un proxecto de Lei sen financiamento, que non contempla medidas para impulsar a I+D empresarial e sen unha solución ao prezo enerxético das empresas electrointensivas”. Así, cre que “o Ministerio de Industria e Turismo xestiona as políticas en materia de industria electrointensiva dende o sesgo ideolóxico”.
Así lembrou que Alcoa, na Mariña lucense, está en risco; “pero o Goberno de Sánchez non adoptou nin unha soa medida”: nin sobre as axudas por compensación de CO2 -só está aplicando 1 de cada 3 euros dos que permite a Comisión Europea- nin tampouco ningunha medida que permita adoptar solucións adecuadas dende o desenvolvemento das renovables. É máis, “o Ministerio de Transición Ecolóxica e Reto Demográfico ten sen resolver os parques eólicos de Alcoa”.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
