Onte, domingo de mediados de decembro, comecei a recibir fotos e vídeos dunha manifestación que a Santiago caíalle grande. Pero é a capital de Galicia, e, de non ser na Ulloa, onde xa se ten feito outra que desbordou Palas, era o lugar lóxico. O lugar onde podería facilitárselle ó goberno galego ver a xente e ouvila, mesmo escoitala, e non durante só un momento. Escoitar e atender a ‘percepción negativa dunha parte da poboación galega’. Refírome a esa expresión entre comiñas por ser o subtítulo da noticia coa que follas adentro (xunto con novas sobre traballo e medio ambiente pasadas tres cuartas partes do total), un xornal en castelán feito e subvencionado en Galicia cubría a manifestación. Hai que dicir que, de xeito natural, non só ocupando posición nas primeiras páxinas, senón moito máis espazo, dito xornal, nunha ‘importante’ noticia, aseveraba que o partido do goberno galego volvería hoxe repetir éxito electoral con números semellantes ós das pasadas eleccións.
Hai que dicir tamén, xa que estou coa nova, que só un cuarto do espazo escrito para ela estaba cheo coa opinión da empresa, a quen correspondería esa expresión de subtítulo de lamento de que unha parte da sociedade galega teña unha percepción negativa nun proxecto que ‘podería empregar’ máis de 850 M€ (un cuarto ao menos, cartos de todos). Un parágrafo moito menor en espazo correspondería á Xunta, declarando por boca da Conselleira de Medio Ambiente que non van obedecer ningunha presión, despois de deixar claro o xornalista que a cousa está en mans dos técnicos polo medio dos datos de asistencia á manifestación.
Hoxe mesmo, un amigo díxome que lera ben unha cousa que me enviaba. Quizais por iso, tentei ler ben a nova e cheguei ó resalte dos técnicos e das verbas da Conselleira. A verdade, as declaracións e lamentacións da empresa coido que non teñen moita importancia: tratándose de gañar cartos como sexa, que se espera que vaia dicir? Mais chegar ó final da lectura e decatarme de que a cousa está ‘nas mans dos técnicos’ e non dos políticos que deciden (ó longo do tempo, parece que xa teñan decidido hai moito), en contradición coas verbas da Conselleira de que a Xunta non vai obedecer presións de ningún tipo e coa evidencia de que leva tempo aliñada coa intención da empresa, produciume un certo desasosego.
Foi quizais ese desasosego o que me fixo esquecer durante un lapso de tempo as fotos que recibín, cun longo ‘río’ despregado por ‘unha parte’ dos manifestantes, que non había río para todos. Ou a cifra das cen mil persoas estimadas pola organización (que quedan reducidas a menos da metade pola policía local, xornal mediante). Ou o mar de papel que significan esas 23 000 alegacións presentadas e que se saiba polo momento ignoradas. Ó menos pola miña parte, ‘percepción negativa’ da vontade do que se quer facer e de como se está a facer por parte de empresa e administración. Unha ‘percepción’ fundamentada en feitos.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
