Os traballos estanse a realizar pola empresa Canalis, que actúa en 14 rexistros nos que se detectaron filtracións de augas limpas durante a auditoría do saneamento
Barreiros, 17 de decembro de 2024. O Concello de Barreiros continúa cos traballos de mellora do sistema de saneamento e depuración, de cara a optimizar o seu funcionamento e corrixir as deficiencias que levan anos arrastrándose. “Tras ter realizado unha auditoría de todo o sistema no ano 2023, detectáronse deficiencias nas que se está a traballar durante todo o ano. Unha das máis importantes era a cantidade de augas limpas que estaba a recollerse na rede de saneamento, impedindo así o correcto funcionamento das estacións de bombeo e depuración”, explica alcaldesa, Ana Ermida.
En dita auditoría sinaláronse un total de 25 deficiencias importantes, das que 23 quedarán subsanadas neste ano; despois da impermeabilización dos 14 pozos de rexistro. Estes traballos, xunto coa renovación do colector do barrio das Carriceiras, en Reinante, supuxeron un investimento de preto de 50.000 euros, que foron financiados ao abeiro do Plan Deputación do 2024.
O concelleiro de Medio Ambiente, Dámaso Ratoeira, sinala que “estes traballos, xunto co investimento permanente que se está a realizar en depuradoras como a do San Bartolo, supoñen melloras moi substanciais na depuración de augas residuais en Barreiros; un aspecto no que, ata a chegada deste goberno municipal, non se estaba a investir nada desde a posta en marcha do mesmo a finais dos anos noventa e principios dos 2000”.
Ermida insiste na importancia destas labores e pon en valor o esforzo do goberno municipal nos investimentos que se realizan en servizos básicos, como o abastecemento ou o saneamento, que “aínda que non luzan á vista son a base fundamental de calquera Concello que aposte por un desenvolvemento real e acorde cos servizos existentes”.
“Rompemos cun xeito de actuar de tratar de esconder os problemas e crer que o que vai por debaixo da terra non é importante. Cada euro que se inviste en auga potable ou xestión de saneamento e depuración é calidade de vida para a veciñanza que ten que ter uns servizos acordes coa demanda que existe. Por iso, o esforzo deste goberno municipal é inmenso, porque non só hai que afrontar a situación presente; senón que temos que estar corrixindo as actuacións do pasado”, conclúe.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
