Lara Méndez considera “inaudito e vergoñento” que os concellos teñan que pagar polo uso dos terreos e asumir o seu mantemento mentres Portos cobra e pon trabas polo uso aos que non son do PP
Santiago de Compostela, 18 de decembro de 2024. A viceportavoz do Grupo Socialista, Lara Méndez, esixiulle hoxe ao goberno galego que resolva a transferencia dos terreos de Portos que xa non teñen uso portuario a favor dos preto de 30 concellos afectados en toda Galicia. A responsable socialista criticou que o PP rexeitara hoxe a proposición non de Lei do PSdeG na que lle reclamou á Xunta que axilice os trámites para reverter a titularidade destes terreos que suman medio millón de metros cadrados.
A responsable socialista reclamoulle ao goberno galego que aproveite a transferencia da xestión do litoral a favor da Comunidade Autónoma para resolver as peticións dos concellos que agora “teñen que ir como churros, un tras outro”. Explicou que logo de anos paralizando a xestión e desatendendo á iniciativa socialista aprobada no Parlamento en 2020, o conselleiro do Mar tense reunido coa Fegamp recentemente e iniciaron o procedemento en Cangas, Vilanova, Foz, A Guarda ou Oleiros.
Advirte que “seguimos preocupados” logo de que o PP decidira hoxe volver a rexeitar esta iniciativa que previamente tiñan aprobado no Parlamento no ano 2020, e que deixaron sen atender ata que este mesmo ano reanudaron as xuntanzas coa Fegamp.
Inaudito e vergoñento
A responsable socialista tildou de “inaudito e vergoñento” que ao tempo que os concellos teñen que pagar, se vexan obrigados a asumir o mantemento duns terreos que son titularidade de Portos, que pola súa banda “ralentiza ou pon trabas” para que os concellos poidan facer uso destes terreos “cando non son do PP”.
Puxo como exemplo casos concretos como o de Cariño, que ten a Casa Consistorial en terreos portuarios, ou Foz, que ten que pagar case 100.000 euros ao ano pola ubicación da piscina municipal, a depuradora de augas ou polo uso dos terreos para a festa de Carnaval, a festa normanda ou as festas patronais.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
