A planta mariñá, especializada no engorde de rodaballo, alcanza unha produción de 3.300 toneladas anuais, situando a Galicia como única comunidade de España que o produce
Xove, 19 de decembro de 2024. O conselleiro do Mar, Alfonso Vilares, destaca a industria de cultivos mariños como decisiva no impulso da economía de Galicia. Por este motivo, e co fin de seguir impulsando políticas que consoliden a súa actividade, a Administración autonómica investirá o vindeiro ano 18 millóns de euros; o que supón un 65% máis con respecto ás dúas últimas anualidades.
Este esforzo inversor demostra o compromiso do Goberno galego para seguir impulsando este sector. Na comunidade existen 2.600 empresas e máis de 5.600 persoas que traballan na acuicultura, que acumula unha facturación de máis de 232,7 millóns de euros en 2023; unha das cifras máis alta dos últimos catorce anos. Dentro do volume de produción, que foi de 190.400 toneladas, o mexillón supón o 93,5%. O valor deste bivalvo na anualidade anterior foi de case 120 millóns superando todas as marcas desde 2005 coa mellor cotización da serie histórica, preto de 0,7€/Kg.
A esta aportación súmase a dos peixes que experimentou unha suba de máis do 4,7% na produción e de máis do 8% na facturación, destacando o rodaballo como protagonista. Esta especie rozou unha produción de 9.600 toneladas en Galicia, sendo a única comunidade en España que produce este peixe que é exportado a países como Francia, Italia ou Alemaña.
Este datos, en palabras do titular de Mar, son un exemplo do valor da acuicultura e da importancia socioeconómica que ten a súa actividade na nosa comunidade; de aí que Villares avogue pola súa compatibilidade co resto dos sectores da cadea mar-industria e de seguir impulsando a investigación neste ámbito, no que destaca o labor de organismos dependentes da Xunta como o Centro de Investigacións Mariñas (CIMA). O obxectivo é avanzar na internacionalización coa ollada posta na protección medioambiental e con medidas que permitan adaptarse aos retos que esixen as tendencias de mercado e da alimentación.
E é que, segundo relatou, a acuicultura é unha solución sostible para que comer de forma nutritiva sen forzar os mares e os ríos, e sen esgotar a superficie terrestre.
Grupo Nova Pescanova
Esta multinacional española, do que forma parte a planta de Xove dende 2004, conta con uns 10.000 empregados repartidos en catro continentes, sendo unha das poucas empresas de produtos do mar presente en toda a cadea de valor, desde a orixe ata a súa venda. Aposta pola marca e a innovación dende a sustentabilidade dos recursos naturais e a optimización da xestión enerxética.
A planta de Xove dispón de 900 tanques para o engorde de rodaballo e ocupa unha superficie de 63.000 metros cadrados. Trátase dunha piscifactoría mariña en instalación fixa na que os alevíns son criados ata acadar o tamaño comercial. A capacidade de produción alcanza as 3.300 toneladas anuais. Conta cunha alta tecnificación para optimizar a produción e asegurar o benestar animal. Entre a tecnoloxía incorporada destacan sistemas de alimentación automática, visión artificial para parametrizar o benestar dos peixes e tecnoloxía Big Data para a mellora do proceso.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
