Ribadeo, 21 de decembro, 2024. O BNG realiza un análise dor orzamentos presentados polo grupo de goberno. “Como de costume, os orzamentos que presentou o Partido Popular de Ribadeo, tiñan varios erros, tanto de importes como de asignación de gastos a partidas orzamentarias ás que non lles correspondía. Vistos polo concelleiro do BNG responsábel de Facenda, Vicente Castro, detallámolos na comisión informativa na que se comezaron a analizar. O goberno municipal aceptou esas correccións e trasladounas ao pleno deste venres 20 de decembro, no que se aprobaron os orzamentos. Pero mellor tería sido que fosen presentados correctamente, sen erros, e con máis antelación”.
“Como ocorreu cos de 2024, os orzamentos do 2025 están moi inflados con respecto á previsión de ingresos. Queda a impresión de que o goberno municipal fíxoos do revés: prevendo canto gasto querían facer para o novo ano, calcularon despois cantos ingresos precisarían. E aí botaron a voar a imaxinación: para lograr unha cifra que se adaptara á previsión de gastos calculada inicialmente. E, ollo! Que se falamos de gastos, o actual goberno municipal adoita tirar a casa pola ventá”.
“Velaquí varios exemplos desta previsión desmesurada e pouco realista de ingresos. No ICIO (Imposto de Construción e Obras) están previstos 900.000€ de ingresos. Pois ben: xa nos orzamentos de 2024 estaba previsto ingresar 740.000€, e a 6 de decembro de 2024 tan só se recadaran 140.000€ (apenas unha quinta parte do previsto). No apartado de taxas por licencias urbanísticas no 2025 está previsto recadar 243.000€; no 2024 pensaban recadar 135.000€, pero só recadaron 40.000€ (apenas un 30% do previsto). Neste 2024, na recollida do lixo recadaron 260.000€ menos do previsto; e no canon da auga, 500.000€ menos. Aproximadamente, recadáronse un millón e medio de euros menos do previsto inicialmente”.
“Por outra banda, hai que destacar que, aínda que aumenta a previsión de ingresos, curiosamente diminúe a partida dedicada a investimentos nun 16%. E en cultura cae un 40%. Pero aumenta a partida dedicada a festexos (nun 58%) e a de publicidade e propaganda (nun 100%)”.
“Pouco a pouco vaise vendo que a capacidade inversora do Concello de Ribadeo perde fol: pero, a maiores, hai partidas de investimento para as que non se contempla a parte que lle corresponde ao concello, pero si están previstas as que lle corresponden a outras administracións. Pois ben: cando toque abordar eses proxectos, ao non haber consignada ningunha cantidade por parte do concello nos seus orzamentos, haberá que buscala noutras partidas. E iso supoñerá espir un santo para poder vestir outro, e atrasos na súa tramitación. Velaquí outro exemplo da mala eficiencia do alcalde de Ribadeo”.
“Despois de todos os precedentes no 2024, a credibilidade de Daniel Vega queda de novo cuestionada con datos e coa súa actuación política. Temos comprobado en moitas ocasións, mesmo nos plenos, que comeza dicindo unha cousa e aos quince minutos xa está a dicir a contraria. Varios colectivos sociais teñen experimentando esta mesma sensación ao longo dos últimos días en reunións mantidas con el”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
