Uns 80 xóvenes titulados optan ás primeiras bolsas medioambientais da provincia
Nota de prensa
Preto de 80 xóvenes titulados optan ás primeiras bolsas medioambientais da provincia
– A vindeira semana publicarase a listaxe da admitidos e excluídos provisional tanto no taboleiro de anuncios como na web da Deputación, e constituirase a comisión de valoración técnica que se encargará da selección dos solicitantes
– Os 18 beneficiarios realizarán prácticas a partir de xaneiro en empresas de sete países europeos durante catro meses e oito do ámbito de actuación do programa
– A Deputación destina 270.000 euros a esta actuación, incluída dentro de Lug02, que permite aumentar as posibilidades de inserción laboral destes mozos
– A Deputación e a UE fanse cargo de todos os gastos da estancia no estranxeiro e para as prácticas na provincia os participantes recibirán 1.000 euros mensuais
Setenta e cinco xóvenes titulados da provincia optan ás primeiras bolsas medioambientais da provincia creadas pola Deputación ó abeiro do programa europeo Lug02 –cofinanciado nun 70% con fondos FEDER-, dotado con 5 millóns de euros e destinado a impulsar a economía da provincia e a poñer en valor as Reservas da Biosfera e da comarca do Courel. Rematado o prazo de inscrición, a vindeira semana publicarase a listaxe da admitidos e excluídos provisional tanto no taboleiro de anuncios como na páxina web da Deputación: www.deputacionlugo.org. Ademais, constituirase a comisión de valoración técnica que se encargará da selección dos solicitantes e concluiranse as datas das entrevistas.
As 18 bolsas que convoca o organismo provincial dentro programa medioambiental co que demostrou que o medio ambiente é a oportunidade económica de Lugo, inclúen a realización de prácticas durante 4 meses nos 7 países europeos con máis proxección e nos que a posibilidade de adquirir novos coñecementos que poidan aplicar na provincia é maior -Reino Unido, Italia, República Checa, Portugal, Alemania e Austria-, e 8 meses en empresas do ámbito de actuación do programa europeo. Os beneficiarios comezarán a súa formación no mes de xaneiro.
En canto ó perfil dos solicitantes, o 80% son titulados en Bioloxía, Ciencias Ambientais, Enxeñería Ambiental, Turismo e Forestais. Nembargantes, tamén amosaron o seu interese en participar na iniciativa licenciados en Veterinaria e Empresariais e Enxeñeiros Industriais, Agrónomos, de Minas e de Montes. Os solicitantes, todos eles en paro, posúen entre 25 e 30 anos, e remataron os seus estudos entre os anos 2007, 2008, 2009 e 2010.
A empresa que resultou adxudicataria para a xestión das bolsas no extranxeiro é ONECO e para as da provincia Alcia. No primiero caso, trátase dunha consultoría con ampla experiencia na xestión de programas europeos no eido da educación, como o programa Leornado da Vinci, a cultura, o emprego e o desenvolvemento local.
Pola súa banda, a empresa luguesa adícase ó deseño, desenvolvemento, execución e control de proxectos como xestión de subvencións e axudas, e ten ampla experiencia en programas de promoción do emprego e fomento da iniciativa empresarial, etc.
Aumento da inserción laboral e custe 0 para os beneficiarios
A través desta liña de actuación, que ten un orzamento de 270.000 euros, o organismo provincial aumenta as posibilidades de inserción laboral dos xóvenes titulados. Primeiro aplicarán como bolseiros os coñecementos adquiridos en empresas orientadas ó medio ambiente e ó turismo, pero logo poderán continuar a súa carreira como emprendedores.
Tendo en conta que para algúns participantes o desprazamento pode supoñerlles un problema económico, a Deputación e a Unión Europea fanse cargo dos custes da viaxe de ida e volta, do aloxamento, manutención e dos gastos dos organismos de acollida na cidade de destino. Durante as estancia nas empresas asentadas nas Reservas da Biosfera e do Courel recibirán 1.000 euros mensuais.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
Ao longo desta semana, máis de 40 científicas, divulgadoras, xornalistas e activistas participan nunha campaña simultánea en todo o Estado para achegar á cidadanía as consecuencias que os recentes ataques a Irán poden ter na vida cotiá. No marco desta iniciativa, celebrarase en Ribadeo un acto informativo o venres 17, na Escola Municipal de Música, ás 19:00 horas. Toda a información sobre o No Normal Tour está dispoñible en: 
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
