Os tickets poderán adquirirse en casa Eladio, Bar A Curva, Café Bar Rolindes, Bar Amorne, Bar A Zapatería, Cafetería Doce e Restaurante A Chabola a partir do próximo sábado, ou ben reservarse en liña a través do whatsapp do número de teléfono 614 191 962
Viveiro, 22 de xaneiro de 2025. A Comisión Viveiro en Festas organiza o 3 de marzo, coa colaboración co Concello de Viveiro, a primeira “Festa do Antroido” nos xardíns Noriega Varela para recadar fondos para a celebración das festas patronais de agosto.
Terá lugar na carpa que o Concello instalará en fronte aos Leóns, onde habitualmente celébranse os concertos de agosto.
O menú da cea terá un prezo de 35 euros, que inclúe sopa, cocido, sobremesa, café, chopo, pan e bebidas (viño, cervexa, refrescos e auga). Os tickets para a cea poderán adquirirse a partir do próximo sábado en casa Eladio, Bar A Curva, Café Bar Rolindes, Bar Amorne, Bar A Zapatería, Cafetería Doce e Restaurante A Chabola. Ademais, para facilitar a asistencia á xente que se atopa fóra de Viveiro, habilitan un sistema de reserva de entradas a través de whatsapp no número de teléfono 614 191 962, que xa se pode utilizar.
Ao acabar a cea, haberá entrada libre para todo o que queira gozar dunha das noites con máis tradición de Viveiro. O evento contará con música, concursos de disfraces en distintas categorías e moitas outras sorpresas para o público.
Desde a comisión indican que “despois do gran éxito da Cea de Nadal celebrada en Las Sirenas, na que cubrimos as prazas en tan só 5 días, optamos por organizar esta festa nun espazo un pouco máis amplo, e cremos que os xardíns, onde o Concello instalará unha carpa para levar a cabo máis actividades, é o sitio perfecto debido á súa proximidade co Casco Histórico”.
“Consideramos que o 3 de marzo é o día perfecto para facelo, xa que o luns sempre foi un día moi forte no Antroido de Viveiro, e unha das nosas premisas é a de fomentar e fortalecer as nosas tradicións” subliñan.
Por último, sinalan que “nas vindeiras semanas iremos completando ou programa desta Festa do Antroido, detallando ou apartado musical, os concursos de disfraces e demais sorpresas, para así acadar un evento especial, único e atractivo”.
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
