O Concello fixo este anuncio durante a celebración da Feira Internacional de Turismo en Madrid (FITUR) 2025
Mondoñedo, 22 de xaneiro de 2025. Mondoñedo será un dos destinos das experiencias turísticas ‘Talento en Red 2025: Camiño Creativo de Santiago’ que organiza a Rede de Cidades e Territorios Creativos de España (RECIT-CREA) para impulsar o turismo de talento entre o 4 e o 6 de xullo, coincidindo coa conmemoración do décimo aniversario da declaración do Camiño Norte como Patrimonio Mundial da UNESCO (o 5 de xullo de 2015). Así o deu a coñecer o Concello durante a súa participación na Feira Internacional de Turismo (FITUR), en Madrid.
O Camiño Creativo, que tamén se desenvolverá nesta edición en Tenerife, Córdoba, Dénia e Quinto, vai dirixido a emprendedores creativos ou creadores do sector das Industrias Culturais y Creativas ou que empreguen transversalmente a cultura, as Industrias Culturais e Creativas e a innovación para reactivar os sectores máis tradicionais da economía.
Os participantes poderán ir desenvolvendo o seu plan de negocio a medida que realizan este camiño específico. O obxectivo é impulsar a creatividade, o talento e a innovación co fin de potenciar o emprego e o autoemprego a través do emprendemento no sector das Industrias Culturais e Creativas ligado á paisaxe.
As viaxes están pensadas para servir de fonte de coñecemento e inspiración para os seus plans de negocio. Ademais, o Camiño Creativo tamén impulsa valores culturais e medioambientais no emprendemento de forma que a cultura sexa o piar central para articular o económico, medioambiental e social.
O goberno local continúa a traballar no ámbito turístico amosando o seu patrimonio histórico, cultural, arquitectónico e natural; potenciando o Camiño de Santiago; difundindo as súas tradicionais festas e feiras e impulsando o barrio dos Muíños vinculado á tradición artesá.
Recentemente, o Concello de Mondoñedo anunciaba tamén as actuacións de rehabilitación de edificios do casco histórico vinculados ao programa Rexurbe permitirá habilitar, ademais de catro vivendas de promoción pública, un local para artistas.
Inscricións
Xa está aberto o prazo de inscrición que se pode formalizar a través dun formulario a través da web https://www.espanacreativa.es/convocatorias.html ou enviando os datos -cv persoal, idea de negocio e carta de motivación- ao enderezo info@espanacreativa.es.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
