Trabada, 30 de xaneiro, 2025. O Concello de Trabada vén de trasladar á Consellería do Medio Rural da Xunta de Galicia a súa preocupación pola situación actual que atravesa a produción de faba na comarca da Mariña. Debido a diversos factores adversos a colleita deste 2024 podería sufrir perdas de ata un 80% dunha colleita normal.
O alcalde de Trabada, Rubén García, advirte que esta crise pon en risco a viabilidade dun sector clave para a economía local, afectando directamente ás familias labregas e á fixación da poboación. Ademais, lembra que o sector xa está lastrado polo envellecemento da poboación activa e a falta de relevo xeracional.
Para paliar esta situación, o Concello de Trabada mantivo unha reunión co Sindicato Labrego Galego, onde manifestou o seu apoio ás demandas do sector e solicitou á Xunta tres medidas fundamentais:
-Axudas directas para compensar as perdas das persoas produtoras e garantir a viabilidade da campaña.
-Modificación da axuda da PAC, aumentando a dotación da liña “Axuda á produción sostible de proteínas de orixe vexetal”
-Creación dun equipo de traballo que analice o impacto dos cambios climatolóxicos e o aumento de enfermidades nos cultivos.
Dende a Alcaldía, reitérase o compromiso coa defensa do sector primario e a disposición do Concello para colaborar coa Xunta na procura de solucións efectivas que garantan o futuro da produción de faba na Mariña.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
