Nota de prensa:
O BNG DE FOZ DEMANDA MEDIDAS DE CONTROL DE GASTO POR PARTE DO GOBERNO MUNICIPAL
O alcalde incumpre co Plan de Saneamento aprobado no pleno de xuño de 2009
“De seguir así, non haberá cartos nin para folios” avisa Basanta
Foz, 6 de novembro de 2010.-. Para o BNG, e a vista do estado de liquidación dos orzamentos realizada en setembro, sacamos como conclusión máis clara a existencia dun descontrol do gasto e un desequilibrio cada vez maior entre ingresos e gastos que poñen en perigo a capacidade inversora do Concello e o bo funcionamento dos servizos municipais.
O BNG de Foz cualifica a información dada polo Sr. Alcalde sobre o estado de contas do Concello como sesgada e de falta total de rigor. Non se pode -como fai o Sr. Alcalde- cando se fala de xestión económica dar os datos a medias nin contar as cousas segundo lle convén. Aínda que lle pese ao Sr. Alcalde ao final a realidade dos feitos imponse aos simples desexos e se analizamos os datos das contas municipais de forma obxectiva vemos como non se está a levar a cabo unha boa xestión dos cartos de todos os focegos.
Desde a perspectiva do BNG, unha cousa queda clara no Estado de Liquidación dos Orzamentos Municipais de data 30/09/2010 realizado polos servizos de Intervención e é que “existe un desfase importante entre os ingresos que se recadan e os gastos correntes que se pagan”. Este desfase entre ingresos e gastos trae consigo unha diminución importante do remanente das Existencias de Tesourería que, “a corto prazo, imposibilitará que se atendan debidamente os servizos municipais e hipotecará no futuro a posibilidade de realizar inversións en novos proxectos municipais”. E neste punto, hai que lembrar unha vez mais, que no ano 2006 había un remanente superior aos 6 millóns de euros procedentes das licencias urbanísticas e que, a día de hoxe, está practicamente esgotado. O problema é sinxelamente, que no Concello se gasta mais do que se ingresa porque non existe rigor, control e planificación dos gastos.
Outra das conclusións sobre a xestión municipal é que o Goberno Municipal está a incumprir case na súa totalidade o Plan de Saneamento financeiro aprobado en pleno en xuño de 2009 e que incluía unha serie de medidas fiscais, de xestión e administrativas para mellorar as contas do Concello. Esto é o que reflicte de forma contundente o Informe de intervención con data 25 de outubro de 2010 sobre a execución de dito Plan. O único obxectivo cumprido é a aprobación da Relación de Postos de Traballo. Todo o demais está sen facer.
No relativo aos ingresos, este informe incide en que “non se leva ata as últimas consecuencias a recadación das débedas pendentes de pago”, co que como noutras ocasións temos manifestado desde o BNG, o Concello non está a cumprir co seu deber e está creando un agravio comparativo con aqueles cidadáns que pagan relixiosamente os seus impostos.
No relativo aos gastos, evidencia a falta de control dos mesmos e subliña o incumprimento da case totalidade de medidas incluídas no Plan como a de reducir o abonado ao persoal en horas extras, a redución do persoal temporal, a redución do consumo de enerxía eléctrica tanto das dependencias municipais como no alumeado público e a depuración de facturas abonadas para detectar consumos non imputables ao Concello. Continúa este informe facendo fincapé da necesidade de reducir os gastos de teléfono, a necesidade de centralizar na medida do posible as compras para reducir costos na adquisición de consumibles informáticos, suministros, produtos de limpeza, material para a brigada de obras e outros. Recomenda tamén a necesidade de vincular xuridicamente máis os créditos para lograr un maior control na execución dos gasto.
No referente a este tema do control do gasto público foron presentadas, e algunhas aprobadas, diversas mocións do BNG como o Plan de Aforro Enerxético, a maior vinculación das partidas ou o control das horas extras. Ditas propostas seguen a día de hoxe sen aplicarse, a entender do BNG só pola incapacidade do Alcalde e do Goberno Municipal.
Dende o BNG non podemos máis que dar un suspenso á administración contable do Grupo de Goberno polos motivos reseñados que están baseados nos informes serios e competentes dos servizos de Intervención do Concello e que descualifican as declaracións interesadas do alcalde de Foz en canto non se axustan á realidade. O que si temos que reiterar é que todas estas medidas incluídas no Plan de Saneamento, urxe levalas a cabo canto antes pois se non haberá un problema de financiamento futuro do Concello.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
