Tras a renuncia da titular anterior do alugueiro, a cafetería non puido abrirse debido á que se detectaron defectos estruturais, incumprimentos do local e mobiliario e a que a instalación eléctrica non estaba legalizada
Barreiros, 7 de febreiro de 2025. O goberno municipal de Barreiros vén de aprobar na Xunta de Goberno de onte, xoves, un proxecto para adecuación da cafetería do centro social que ascende a un importe de 54.088,34 euros; co que acometerán as obras e investimentos necesarios para poder poñer en funcionamento dito servizo.
A alcaldesa explica que “o bar do Centro Social de San Cosme quedou vacante o pasado mes de xuño, tras a renuncia da titular do contrato de alugueiro asinado no ano 2015 cunha duración de 10 anos. Tras acordar coa inquilina os prazos para o desaloxo e a limpeza, a finais de verán realizouse unha visita de inspección e inventariado e recollida das chaves, na que se detectaron graves incumprimentos que xa existían no momento en que foi licitado o contrato no 2015”.
Nesa visita, explica a rexedora, “comprobamos que, ademais de problemas estruturais que xeraban filtracións e humidades no edificio, existía un problema crucial na instalación eléctrica que estaba directamente enganchada, sen ningún tipo de garantía á instalación do centro social”.
Segundo a información que se nos trasladou, “esta situación deuse desde o primeiro momento do contrato celebrado no 2015, sendo coñecedor e responsable o anterior goberno municipal que, deliberada e irresponsablemente promoveu a prestación dun servizo e dunha actividade económica nun local que incumpría os mínimos de seguridade, podendo xerar un problema para o Concello e mesmo para a persoa que rexentaba o negocio”.
Tras ter coñecemento da situación, “o goberno municipal adoptou a decisión de non licitar un novo contrato ata ter solucionadas estas cuestións cruciais e responsabilidade única do propio Concello”. Deste xeito foron realizados os proxectos tanto eléctricos como arquitectónicos para acometer os investimentos necesarios para contar con todas as garantías e seguridade nun local aberto ao público.
Ana Ermida, explicou que o importe total dos investimentos ascende a 54.088,34 euros, nos que se inclúen a instalación eléctrica, a impermeabilización de fachada e cuberta e a dotación de mobiliario e adecuación do local para cumprir cos parámetros necesarios para a licencia de actividade que lle corresponde, cuestión que se viña incumprindo todos estes anos.
Este investimento, será financiado en parte con cargo ao Plan Deputación do 2025, cun importe de 48.500 euros, asumindo a diferencia o Concello de Barreiros con fondos propios.
A alcaldesa manifestou que tratarán de axilizar ao máximo os tempos de licitación e execución das obras para tratar de poñer en marcha o servizo de cafetería o antes posible.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
