Nota de prensa:
Deputación e Concello explicaron aos comerciantes o programa personalizado que lles aforra 80.000 euros
– O Alcalde de Burela, o director de formación do programa provincial, membros da CEL e da Cámara de Comercio mantiveron unha reunión informativa cos comerciantes do municipio
– Todos os interesados poden inscribirse ata este mércores chamando ó 982-22-78-12 ou enviando os seus datos a burelacomercio@deputacionlugo.org
A Deputación e o Concello de Burela detallaron este mércores as vantaxes de Burela co seu comercio, o 1º programa totalmente personalizado e gratuíto posto en marcha na provincia para a mellora deste sector. O Alcalde de Burela, Alfredo Llano, o director de formacion do programa provincial, Nemesio Galán, xunto a membros da CEL e da Cámara de Comercio de Lugo mantiveron unha reunión informativa con comerciantes burelenses na que concretaron o contido e o desenvolvemento da programación.
Durante o encontro, que tivo lugar ás 20:30 horas no Salón de Conferencias burelés, deuse conta da distribución das 6 semanas de duración de Burela co seu comercio. Son 250 horas de asesoramento individual e prácticas, nas que os 20 beneficiados coñecerán, de forma totalmente individual, dende as oportunidades do seu negocio, as posibles negociacións con proveedores e institucións financieiras, e ata o contorno xurídico laboral e fiscal, as actividades de merchandising ou a xestión de stocks.
Para elo, expertos económicos visitarán in situ cada establecemento, e traballarán códavo con códavo cos seus propietarios para, finalmente, deseñar un plan de mellora que determine as novas actuacións a levar a cabo co obxectivo de impulsar os seus negocios. O organismo provincial faise cargo de todos os custes aforrando ós participantes 80.000 euros, o prezo segundo o mercado deste servizo.
O Alcalde convidou a todos os comerciantes a participar neste iniciativa, a segunda que a Deputación leva a Mariña en apoio ó tecido empresarial logo da celebración en Viveiro dun programa de sucesión familiar no que participaron 20 empresas. Burela co seu comercio engádese ademais ás pioneiras axudas ós autónomos en España, coas que a Deputación subvencionou, só nesta zona da provincia, os gastos correntes de máis de 250 traballadores, moitos deles comerciantes.
O prazo de inscrición pecha este mércores, 10 de novembro. Ata entón, todos os comerciantes burelenses poden inscribirse chamando ó 982-22-78-12 ou enviando un correo electrónico ó seguinte enderezo: burelacomercio@deputacionlugo.org.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
