A escola contará na súa fachada cun mural de Diego As, grafiteiro lucense que figura entre os 10 mellores do mundo, gañando no ano 2023 o recoñecemento ao mellor graffiti do mundo co Xulio César que se pode ver na Ronda da Muralla
Barreiros, 18 de febreiro de 2025. O Concello de Barreiros continúa realizando investimentos na Escola Infantil Municipal para “actualizala, mellorala e corrixir as deficiencias que se atoparon nestes anos”.
Nesta ocasión, as actuacións a levar a cabo serán o pintado exterior da mesma e unha renovación do patio exterior, dotándoo de equipamento actual en canto a seguridade, pero tamén e fundamentalmente en canto a pedagoxía.
A alcaldesa, Ana Ermida, explica que se trata de “dotar a escola de materiais que son propios dun sistema educativo centrado na evolución das nenas e nenos, no que as educadoras da primeira etapa teñen un papel fundamental que debe complementar e acompañar a educación que se recibe por parte das familias”.
Así, retíranse elementos fixos que incumpren coas actuais normas de seguridade en escolas infantís e substituiranse por elementos móbiles que permiten traballar aspectos como a mobilidade ou a psicomotricidade, fundamentais na primeira etapa educativa.
Ademais, procederase a drenar exteriormente o muro do patio, para evitar as filtracións de humidades existentes, e ao seu enfoscado. Instalarase tamén unha saída de emerxencia do propio patio, da que carece na actualidade e coa que se gaña en seguridade nas instalacións.
A concelleira delegada de Educación, Igualdade e Saúde Pública, Montse Porteiro, explica que “a Escola Infantil é para este goberno municipal un símbolo que vai moito máis aló dun mero edificio no que se presta un imprescindible servizo. Para este goberno é un edificio no que se está a traballar o futuro de Barreiros, educando e criando persoas que serán as que habitarán este concello no futuro.” “Por iso centramos moitas das nosas actuacións nese servizo que, pese a non ser unha competencia propia, prestamos coa intención de poñer un instrumento nas mans das familias; pero tamén para convertela nun instrumento para as nenas e nenos que pasan por ela e deixar unha pegada que contribúa a facer un Barreiros mellor”.
Diego As decorará o exterior da Escola Infantil cun dos seus murais
O recoñecido e galardoado grafiteiro lucense, Diego As, será o encargado de personalizar cun dos seus murais o edificio destinado ás nenas e nenos barreirenses.
O muralista recoñecido no ano 2023 como campión de España de graffitis e galardoado co mellor mural do mundo nese mesmo ano polo seu mural de Xulio César que se pode atopar na Ronda da Muralla de Lugo, terá o seu espazo na fachada exterior do edificio municipal barreirense.
A alcaldesa manifesta a súa “satisfacción por poder contar cun artista dese nivel para decorar a Escola Infantil, poñendo a arte como referencia para as nenas e nenos e facendo aínda máis especial este espazo que, sen dúbida, marca a todas as crianzas que pasan por el”. Ermida explica que darán “total liberdade” ao artista para que presente as ideas que considere, cunha obra na que se “reflicta Barreiros e que traslade o significado dunha escola infantil como ese espazo no que medrar libres e iguais”.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
