A alcaldesa convocou a unha xuntanza ao empresariado do polígono para analizar o proxecto e poñer en común necesidades
Barreiros, 19 de febreiro de 2025. A alcaldesa de Barreiros convocou na noite do pasado luns unha xuntanza co sector empresarial do polígono barreirense para analizar diversas cuestións de interese xeral para o tecido empresarial e para o Concello.
Nesa xuntanza, á que asistiu a totalidade do goberno municipal, analizouse o novo trazado proposto para a A74 e acordouse a presentación de alegacións, tanto polo Concello como polo propio empresariado, solicitando que se contemple un acceso directo ao parque empresarial.
Ana Ermida lembrou que “é unha cuestión de imperiosa necesidade e de sentido común para darlle ao polígono de Barreiros os accesos que merece; por iso levamos desde o ano 2019, mesmo antes de estar no goberno, facendo a mesma demanda.”
Na xuntanza ratificouse a consideración do polígono de Barreiros coma un dos máis puxantes da comarca e insistiuse na necesidade de demandar uns accesos que garantan a competitividade das empresas que hai actualmente no mesmo e tamén das que poidan asentarse nunha futura ampliación.
Melloras en alumeado, sinalización e seguridade
Durante a reunión a alcaldesa tamén anunciou que se está a traballar nun proxecto de mellora para o parque empresarial que inclúe a mellora do alumeado, da sinalización viaria tanto horizontal coma vertical e pequenas obras de adecentamento en beirarrúas e espazos comúns.
Estas necesidades, tamén trasladadas polo empresariado, tratarán de atenderse concorrendo a distintas liñas de axuda nas que poidan encaixar.
O empresariado valorou moi positivamente a planificación e atendemento destas cuestións que eran reiteradas desde hai moitos anos.
A necesidade dunha nova depuradora
O propio empresariado preocupouse pola situación da actual depuradora, construída pola Xunta e recibida polo Concello naquel momento “para poñer a andar o polígono unha vez que se paralizou a depuradora planeada inicialmente que daría cabida á capacidade do polígono e sobre a que non volveu traballarse para contar cunha solución axeitada”, explicou Ana Ermida.
Concello e empresariado coinciden en demandar da Xunta como administración promotora do parque empresarial e titular das parcelas a implicación necesaria para dotar ao polígono dunha depuradora en condicións que atenda as necesidades actuais e futuras e evite problemas ao Concello.”
Satisfacción polos trámites para o cumprimento da lei contra incendios
As persoas que asistiron á reunión valoraron moi positivamente o proceso de notificación ás persoas propietarias de plantacións forestais que incumpren a lei de incendios, xa que amosaron a súa preocupación pola proximidade de plantacións que poden supoñer un perigo para naves situadas no polígono de Barreiros.
Desde o Concello lembraron que o cumprimento desta obriga debe estar realizado antes do 31 de maio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
