O programa municipal dará comezo o sábado 1 de marzo e prolongarase ata o martes 4
Cariño, 19 de febreiro, 2025. O Concello de Cariño presentou a programación especial municipal para celebrar o Entroido, que neste 2025 recolle diversas actividades e o tradicional desfile, con máis de 3.400 euros en premios aos mellores disfraces. O programa municipal dará comezo o sábado 1 de marzo e prolongarase ata o martes 4.
Desta maneira, o Entroido de Cariño volverá ser, un ano máis, referencia na comarca de Ortegal. O executivo local dirixido por Ana María López desenvolveu un amplo programa para o goce de adultos e nenos, con catro días de festa que darán comezo o sábado 1 de marzo con tres actividades diferentes. De 17:00 a 20:00 haberá animación infantil con inchables na carpa de Praza Roxa, onde tamén haberá xogos xigantes de madeira. A partir das 21:00 horas dará comezo a charanga de Brassica Rapa ‘Ghrelo power’, unha das poucas formadas exclusivamente por mulleres, con máis música a partir das 00:30 horas con Dream Team Cinema e a Disco Móbil Chocolate.
O domingo 2 de marzo será o gran desfile a partir das 18:00 horas. A saída está programada desde o Polideportivo Municipal e será amenizado pola Batería do Cariño. Terminará coa entrega de premios na carpa da Praza Roxa, na que actuará DJ Pana e haberá unha venda de produtos de Entroido para recadar fondos para a excursión de fin de curso do alumnado de 4º da ESO.
En total, o Concello de Cariño repartirá 3.495 euros en premios, xa que o concurso de disfraces ofrece múltiples categorías: comparsas, grupos de adultos (tres ou máis persoas), adultos individuais ou parellas, grupos infantís (tres ou máis) e parellas ou individual infantil. A inscrición para participar no certame finaliza o luns 24 de febreiro ás 14:00 horas. As bases están dispoñibles na web do Concello de Cariño (concellodecarino.gal).
Despois do gran desfile, a festa retomarase o luns 3 de marzo, con máis animación para os máis pequenos. De 17:00 a 20:00 horas volverá haber inchables e obradoiros na carpa da Praza Roxa, con máis actuacións musicais. A primeira será ás 21:00 horas, coa charanga Vos Bregadiers, e posteriormente actuará o DJ Miguel GZ, que amenizará a festa a partir das 1:00 horas.
E xa para finalizar, o martes 4 de marzo poñerase o punto e final ao Entroido cariñés cunha última sesión de animación infantil con inchables na Praza Roxa, con horario de 17:00 a 20:00 horas.
“Hemos decidido optar por una programación amplia y pensada para adultos y jóvenes, para que puedan disfrutar todos los vecinos y vecinas, así como para tratar de captar gente de nuestro entorno. Pensamos que la propuesta es atractiva y que el Entroido cariñés puede atraer a muchos visitantes, ya que es uno de los eventos de referencia en la comarca y en la provincia”, apunta a rexedora, Ana María López.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
