Os eventos darán comezo o día 2 e rematarán o 7 de marzo co Gran Desfile
Barreiros, 20 de febreiro de 2025. O Concello de Barreiros, a través da súa Concellería de Dinamización, presentou este xoves a programación do Entroido Barreiros 2025, unha proposta chea de diversión, participación e tradición na que teñen cabida actividades para todas as idades.
A actividade entroideira dará comezo o domingo 2 de marzo coa Festa Infantil de Entroido que terá lugar no centro sociocultural de San Cosme de 17 a 20 horas. A cativada poderá gozar dunha tarde chea de cor e fantasía con animación musical, xogos, baile e agasallos para as persoas que acudan disfrazadas. O espazo contará unha decoración especial elaborada polo obradoiro de emprego.
O mércores 5 de marzo, o Concello de Barreiros organiza un Obradoiro infantil de Disfraces como medida de conciliación familiar neses días non lectivos. Para participar no obradoiro, que terá lugar no centro sociocultural de 10 a 13 horas, será preciso formalizar inscrición previamente nas oficinas xerais do Concello de Barreiros xa que a actividade está limitada a 40 prazas que se adxudicarán por orde de rexistro dando prioridade ás crianzas empadroadas no concello. As nenas e nenos participantes artellarán disfraces dando renda solta á súa creatividade utilizando diferentes técnicas e materiais.
Como colofón á programación deste entroido, o venres 7 de marzo, terá lugar o Gran Desfile de Entroido que repartirá 1.000 euros en premios. O percorrido contará con reforzo de iluminación e puntos de exhibición sinalados para que o público poida gozar de todo o esplendor do desfile. O Concello manterá o formato áxil do ano pasado que tivo moi boa aceptación. Saída ás 21 horas desde a Praza do Concello, desfile pola N-634, baixada pola estrada da praia (teleclub) e remate a carón do centro sociocultural.
Ao remate do desfile, haberá festa con Even-Tec e postos de comida situados na Praza do Concello.
O concelleiro de dinamización, Dani García, destacou o traballo que hai detrás desta programación e a aposta do Concello por manter vivo o Entroido en Barreiros: “Quixemos deseñar unha programación para todos os públicos. A festa infantil e o obradoiro de disfraces están pensando para as familias , mentres que o Gran Desfile consolidouse como unha cita imprescindible no noso calendario festivo”.
Ademais, García puxo en valor a implicación das comparsas locais na organización do desfile: “Queremos destacar o apoio e implicación das comparsas locais Habelas Hainas e Macanudos, que colaboran activamente na organización do desfile e contribúen a que esta festa sexa cada ano máis especial”.
Toda a información, así como as follas de inscrición, bases e demais documentación estará dispoñibles na web municipal www.concellodebarreiros.gal a partir do venres 21 de febreiro.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
