Burela, 26 de febreiro de 2025. A Fundación Eu Son, entidade de referencia na Mariña de Lugo na atención a persoas adultas con discapacidade intelectual, vén de realizar un importante inverstimento coa compra de dous terreos destinados a mellorar a calidade da atención e os espazos dispoñibles para as persoas usuarias dos seus centros.
A Fundación xestiona dous centros de atención diúrna que prestan servizo a persoas procedentes de 11 concellos da Mariña, proporcionando apoio especializado que favorece a súa autonomía persoal e o desenvolvemento das súa capacidades.
Conta cun Centro de Día con 9 persoas usuarias, que ofrece atención diúrna terapéutica, e cun Centro Ocupacional no que participan 40 persoas usuarias en actividades distribuídas en tres obradoiros: cerámica, serigrafía e horticultura.
Noelia Eijo, Directora do Centro, destacou que “o obradoiro de horticultura constituíu, desde os seus inicios, unha ferramenta fundamental para a mellora do benestar emocional e mental das persoas usuarias, especialmente para aquelas con alteracións de conduta”.
“Desde os primeiros pasos como un simple horto estacional, este proxecto foi evolucionando e demostrando os seus beneficios terapéuticos”, engadiu Eijo.
Sinalou ademais que “durante a pandemia, a necesidade de contar con espazos ao aire libre e seguros levou á creación dun obradoiro continuado, ofrecendo unha actividade estable que mellorou a calidade de vida das persoas usuarias”.
“Ata o de agora, o proxecto contou cun terreo cedido desinteresadamente pola súa propietaria, quen desde o primeiro momento comprendeu a importancia desta iniciativa e a apoiou sen dubidalo”, indicou.
A compra de dous novos terreos
Co obxectivo de garantir a continuidade e mellora deste proxecto, a Fundación investiu na adquisición de dous terreos anexos. O primeiro terreo, de 363m2 e un valor de 25.000€, será destinado á colocación do novo invernadoiro para as actividades de horticultura, ademais dun espazo de traballo ao aire libre que permitirá reforzar o seu enfoque terapéutico.
Ademais, grazas ao proxecto subvencionado polo IRPF 2024, dotarase de bancos de cultivo, casetas de madeira con mesas e cadeiras, ampliando as actividades independentemente das condicións meteorolóxicas.
O segundo terreo, de 375m2 e tamén 25.000€, permitirá ampliar as instalacións do obradoiro e engadir un espazo ao aire libre para actividades lúdicas e terapéuticas do que se beneficiarán todas as persoas usuarias da Fundación.
“Esta adquisición supón un salto cualitativo na atención que se ofrece, asegurando un espazo axeitado para potenciar as capacidades das persoas usuarias e mellorar a súa calidade de vida”, salientou Carmela López, Presidenta da Fundación Eu Son.
Atopándose a Fundación nunha situación económica positiva, “este investimento reflicte o compromiso coa mellora constante dos servizos e coa dignidade das persoas usuarias”, declarou a tamén alcaldesa de Burela.
López afirmou que “esta ampliación é froito do esforzo conxunto da Fundación, das persoas que nos apoian e das administracións e entidades que colaboran connosco”. “Seguiremos traballando para garantir un futuro mellor para todas as persoas usuarias”, apuntou.
Con esta iniciativa, a Fundación reforza o seu papel como referencia na atención a persoas con discapacidade intelectual na Mariña, cunha aposta decidida pola inclusión, a calidade asistencial e o benestar das persoas usuarias.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
