Foz, 28 de febreiro de 2025. A Aula Universitaria da UNED en Foz lanza a súa programación de actividades para o mes de marzo, cunha variada oferta formativa que abrangue desde a ilustración ata a sustentabilidade, pasando polo estudo da Constitución, o benestar persoal e a presentación dun caderno sobre a flora local.
A primeira actividade será o curso de iniciación á ilustración, que comezará o 6 de marzo e impartirase os xoves de 16:30 a 19:00 horas, mentres que o curso de introdución á sostenibilidade e á economía circular dará inicio o mesmo día e desenvolverase tamén os xoves, de 17:00 a 19:30 horas. “A oferta formativa da UNED de Foz abrangue un amplo abano de temáticas e públicos, desde persoas cunha especialización concreta ata aquelas que simplemente queren explorar novos coñecementos sen ningún límite de idade. Animamos á cidadanía a non poñer barreiras á súa curiosidade e aproveitar estas oportunidades únicas”, indica Elena Martínez, concelleira da área.
O 10 de marzo dará comezo o curso para opositores sobre nocións fundamentais sobre a Constitución Española de 1978 e a Lei 39/2015, do 1 de outubro, do procedemento administrativo común das Administracións Públicas (2ª edición), que se desenvolverá do 10 ao 17 de marzo, en horario de 16:00 a 20:00 horas. Esta formación está dirixida a aquelas persoas que se están preparando para oposicións e desexan reforzar os seus coñecementos en lexislación básica.
Por último o 24 de marzo dará comezo a formación sobre estrés permanente: o esgotamento disfrazado de rutina, o prezo da túa saúde, que impartirá Alba Burundarena, psicóloga e psicoterapeuta, os luns de 15:30 a 20:30 horas. Este curso busca dotar aos participantes de ferramentas para identificar e xestionar o impacto do estrés na súa vida cotiá.
A actividade cultural proposta para este mes de marzo será o martes, día 11 de marzo ás 19:00 horas. A Casa da Cultura Salgado Toimil de Foz acollerá a presentación do caderno Flores de primavera de O Valadouro, coa participación do seu autor, Pedro Rolle, e do fotógrafo Carlos Cornide. “Esta actividade reforza a colaboración co autor, quen o pasado curso guiou unha ruta interpretativa sobre flora, e esperamos poder contar coa súa dirección para organizar unha nova saída para identificar algunhas das especies recollidas na publicación”, sinalou Marta Muiña, coordinadora da Aula Universitaria.
“As actividades de extensión universitaria da UNED en Foz buscan ser un recurso accesible e de calidade para toda a comunidade. Convidamos á cidadanía a participar nestas propostas formativas, que combinan coñecemento teórico cunha aplicación práctica directa en distintos ámbitos. Tamén aproveitamos para recordar que o período de matrícula para este segundo semestre está actualmente aberto e que a Aula está á disposición de todos para calquera consulta ao respecto”, concluíu Marta Muiña.
Para máis información e inscricións as persoas interesadas poden contactar coa Aula Universitaria da UNED en Foz a través das súas canles habituais, a consulta da web oficial da UNED (www.uned.es) ou o contacto a través do correo foz@lugo.uned.es e os teléfonos 982.133.699 ou 604.034.549.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
