Aprobada ademais a tramitación do procedemento para o alleamento dos bens almacenados na nave provincial situada no concello de Begonte por medio dunha poxa á alza que se convocará nas vindeiras semanas
Lugo, 28 de febreiro de 2025. A Xunta de Goberno da Deputación de Lugo aprobou este venres a adxudicación, por 1,12M€, dos proxectos de mellora de 7 estradas ao seu paso por 11 concellos da comarca de Lugo, A Mariña, A Chaira e A Montaña. Así o informou o Deputado de Promoción Económica e Social, Pablo Rivera Capón, tras a reunión semanal celebrada esta mañá no Pazo de San Marcos.
Entre os concellos de Lugo e O Corgo, a Deputación adxudicou os traballos de rehabilitación de preto de 6 quilómetros da LU-P-2904, que comunica parroquia lucense de Conturiz co concello do Páramo. A adxudicataria é Explotaciones Gallegas SL e acometerá as obras por un prezo de 229.889€. As obras afectarán ao treito que vai dende o punto quilométrico 3,717 ao 9 e consistirán na limpeza de cunetas, drenaxe, pavimentación con aglomerado en quente e sinalización correspondente. O prazo de execución, neste caso, será de 2 meses desde o inicio dos traballos.
Pablo Rivera explicou que se trata dunhas obras relevantes porque esta estrada “dá servizo directo a varias parroquias e facilita o acceso a rutas de sendeirismo. E ten moito desgaste porque soporta a diario o tránsito de vehículos agrícolas”.
A institución provincial tamén adxudicou os traballos de mellora da LU-P-2301, que une o núcleo de Guitiriz con Vilares. A empresa adxudicataria é Francisco Gómez y Cía SL por un prezo de 213.322€. As obras afectarán ao tramo que vai dende o punto quilométrico 6,7 ata o 9,2 e consistirán na reapertura de cunetas, a pavimentación con aglomerado en quente e reposición da sinalización. O prazo de realización dos traballos será de 1 mes desde o seu inicio.
Cualificou Rivera Capón que se trata dunha “estrada importantísima para A Chaira porque enlaza a A-6 coa estrada autonómica LU-170 que vai de Parga a Momán, facilitando a conexión con Xermade en sentido á Mariña”.
Francisco Gómez y Cía SL será tamén a empresa encargada dos traballos de mellora dun tramo de preto de catro quilómetros da LU-P-2206, que une en Xermade Roupar e Vilapedre por Lousada. Neste proxecto contémplase tamén a reposición de marcas viais de algo máis de 9 quilómetros da LU-P-6509, a estrada limítrofe que vai de Carrizo ata Lousada no concello de Vilalba.
Explicou o Deputado que as obras que afectarán á LU-P-2206 -do punto quilométrico 1,8 ao 5,5- consistirán na reapertura de cunetas, pavimentación con aglomerado en quente e sinalización. O prezo para as dúas actuacións será de 178.822€ e o prazo de execución previsto é tamén de un mes. Dúas actuacións que, en palabras de Pablo Rivera, que virán tamén mellorar as comunicacións na Chaira.
En Trabada quedou adxudicada a Construciones Isidro Otero SL a mellora da LU-P-6101, que une Trabadela ata a Ría por Sante por 130.776,58€. O tramo que se vai arranxar vai do punto quilométrico 1,3 ata o 3,5 e os traballos consistirán na pavimentación e no repintado da sinalización e o balizamento. O prazo para a realización destes traballos é dun mes e trátase dunha actuación importante porque esta estrada ten moita densidade de tráfico.
Nas Nogais a empresa Servicios Agrícolas y Excavaciones Fonsagrada SLU resultou adxudicataria dos traballos para mellorar a LU-P-3701, a vía que vai desde este municipio ata a LU-P-4504 por Pintinidoira. Concretamente, renovarase un treito de 20 quilómetros, desde o inicio da estrada, con 112.288€. Realizarase a reapertura de cunetas e a reparación de afundimentos cun prazo de execución de 2 meses desde que se inicien as obras.
Rivera destacou que esta estrada “é importante para as comunicacións da Montaña, porque dá servizo ós concellos de As Nogais, Cervantes e Pedrafita do Cebreiro”.
O Grupo Bascuas resultou finalmente adxudicatario, por 259.001,47€, das obras dun tramo de preto de 12 quilómetros da LU-P-2405, que é a estrada que conecta Guntín e Pardellas, en Friol por Entrambasaguas e San Román. Os traballos afectarán ao tramo que vai desde o inicio da estrada ao punto quilométrico 11,972 e consistirán na reapertura das cunetas, pavimentación do firme e sinalización.
“Unha actuación moi importante tanto para Guntín como para Friol, porque vén completar as obras que fixemos este outono nesta mesma estrada entre os puntos quilométricos 13,9 e 14,7 cun investimento de 26.000€ e porque esta estrada dá servizo a rutas de sendeirismo de gran interese, como a de San Román da Retorta, o que incrementa o seu valor non só como vía de comunicación, senón tamén como acceso a recursos turísticos e naturais da zona”, valorou o Deputado.
Poxa dos bens da nave provincial de Begonte
A Xunta de Goberno aprobou ademais a tramitación do procedemento para o alleamento dos efectos almacenados na nave provincial situada no concello de Begonte por medio dunha poxa pública polo sistema da alza. Segundo informou Rivera Capón, nas vindeiras semanas a Deputación sacará a convocatoria deste material, que se publicará na Plataforma de contratos da institución provincial e abrirase un prazo de 10 días para presentar as solicitudes. Os elementos sairán á poxa nun único lote no que se atopan elementos moi diferentes como un camión ou un cortacéspede, elementos náuticos, ferramentas para traballar pedra, un depósito de auga, climatizadores, estruturas metálicas ou elementos para inmobles asistenciais.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
