Así o fixeron os concelleiros populares ao absterse no pleno celebrado o pasado xoves tras acadar ese compromiso do PSOE
Foz, 7 de marzo de 2025. Os concelleiros do Partido Popular de Foz favoreceron, coa a súa abstención no pleno celebrado o pasado xoves, o desbloqueo do contrato do ciclo da auga tras negociar co PSOE e acadar o seu compromiso de realizar investimentos no concello nos vindeiros meses. “Seguimos unha liña totalmente coherente xa que sempre defendemos que había que renovar o contrato caducado dende hai oito anos e sacalo a licitación que inclúe o abastecemento, o saneamento e a rede de residuais e sacar uns pregos que, ademais, permitan investimentos na rede que son fundamentais para ter un bo servizo”, sinala o voceiro do Grupo Municipal Popular de Foz, Javier Castiñeira.
Ante esta situación, o Partido Popular brindouse nas reunións previas ao pleno a negociar un voto que permitise non bloquear este contrato e fixo tres propostas ao goberno socialista.
A primeira, para votar a favor, foi a rebaixa dun 30% das taxas municipais para os residentes habituais, para a xente de primeira residencia, para os aboados empadroados en Foz. Neste senso, o voceiro do PP explica que “PSOE e BNG pactaron e realizan, no seu día, unha suba desproporcionada das taxas municipais que sorprendeu aos veciños, incluso de entrara en vigor, e coa que desde o Partido Popular non estivemos de acordo e apostabamos por unha progresivadade. Pero o goberno actual entende que a estas alturas xa non é posible esta rebaixa polo que descartamos o noso voto a favor e ofrecemos varios investimentos para absternos e poder seguir coa licitación do contrato do ciclo da auga”.
Ante esta negativa do PSOE de rebaixar as taxas municipais, os populares propuxeron para absterse un par de propostas que entenden que son positivas e que foron aceptadas polo goberno municipal. Entre elas estarían obras e investimentos que se incluirían no próximo Plan Deputación –o Partido Popular ciñese a propostas que xa fixo en diversos plenos mediante mocións e rogos- e o cambio do céspede artificial do campo de fútbol de Malates –unha proposta que os populares xa levaron en plenos anteriores- sobre o que se lle pasou ao alcalde un orzamento realista coa valoración dos custes e, incluso, os concelleiros do PP de Foz ofrecéronlle ao rexedor a posibilidade de acompañalo á Deputación de Lugo para solicitar a axuda desta administración para esta actuación.
“Queda demostrado novamente que a intención do PP de Foz non é bloquear ao goberno en minoría do PSOE e que, en todo caso, se nos chaman a negociar acudiremos con propostas positivas para os veciños”, salienta Javier Castiñeira.
RESIDENCIA DE MAIORES
“No pleno tamén lle recordamos ao alcalde que ten pendente solucionar o problema da residencia, que el mesmo creou, e que se quere sacar adiante o contrato primeiro ten que poñer enriba da mesa a ordenanza de axudas aos usuarios para mermar a suba desproporcionada de taxas que presentou e tal e como corroborou o TACGAL”, finaliza o voceiro do PP de Foz.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
