Lourenzá, 12 de marzo de 2025. O equipo de goberno de Lourenzá di que o PP fai política con mentiras sobre a restauración do Mosteiro de San Salvador.
“Nos últimos días están a aparecer varias noticias nos medios de comunicación e nas redes sociais onde o Partido Popular de Lourenzá acusa ao goberno local e ao senador César Mogo de mentir sobre a moción presentada polo señor Balseiro no Senado instando ao Goberno a levar a cabo a restauración do Mosteiro de San Salvador. Parece que nin o señor Balseiro nin os concelleiros populares de Lourenzá leron a moción que presentaron ou ben non entenden o que nela se di”, manifesta o goberno municipal de Lourenzá, que engade: “a moción presentada polo PP di exactamente que a obra de rehabilitación integral do Mosteiro de San Salvador sexa liderada e financiada polo Goberno de España e que para iso se elaborará e executará un proxecto de intervención por parte do Goberno ou en colaboración con outras administracións. É dicir, a proposta popular di que a Xunta podería colaborar na elaboración do proxecto pero a rehabilitación correrá a cargo do Goberno de España. Tal e como dicía o senador socialista, César Mogo, paga ti que invito eu. Por certo, non deben saber que o proxecto de rehabilitación xa está elaborado e que foi financiado polo Bispado de Mondoñedo e polo Concello de Lourenzá. Polo tanto, grazas por nada! Seguramente presentaron a moción sen falar previamente cos propietarios do inmoble”.
Ademais o equipo de goberno do Concello de Lourenzá comenta que “tamén din os populares que a Xunta foi o único organismo que colaborou economicamente en obras de restauración do Mosteiro, algo que non é certo porque onde financiou obras a Xunta foi na igrexa de Santa María, a pesar de levar sempre como bandeira que non se deben financiar obras de titularidade privada. Tamén criticaron no seu momento a intervención no tellado por parte do Bispado, algo que freou o deterioro que estaba a sufrir o Mosteiro. Tampouco din a verdade os populares cando culpan so ao Goberno da inclusión da restauración do Mosteiro no Plan Turístico Nacional Xacobeo 21-22. A primeira inclusión foi obra da Xunta de Galicia a pesar de que aparecía ben claro nas bases que os monumentos tiñan que ser de titularidade pública (algo obrigatorio porque estaba financiado con fondos europeos e así o requirían). É certo que o Goberno non debeu ter en conta esta obriga e posteriormente foi excluído do listado o Mosteiro laurentino xunto con outros máis”.
Para o goberno municipal “agora queren aparecer os populares laurentinos como salvadores do Mosteiro, cando hai que recordar que foron eles os que gobernaron durante máis de tres décadas e non fixeron nada para non chegar a esta situación de deterioro. Pero, en fin, xa sabemos que o de arrimar o ombreiro non vai con eles. Se quixeran facer algo positivo poderían acadar moitos compromisos e axudas da Xunta que redundaran no benestar dos nosos veciños e veciñas e non só algunha carpa para as festas dalgunha parroquia (que tamén se agradecen)”.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
