O restaurante El Oviedo retoma o seu ciclo de actividades cun concerto de jazz o vindeiro venres 21 de Marzo
Ribadeo, 18 de marzo de 2025. Ao longo destes últimos anos o restaurante El Oviedo, un clásico do centro de Ribadeo, afianzou unha nova oferta que complementa a que tradicionalmente ofreceron aos seus clientes. Trátase dun ciclo de actividades culturais que con carácter periódico chegan ao seu espazo para, a través de concertos, catas e encontros de diversa índole, dinamizar o tecido cultural ribadense.
Dado o éxito das convocatorias do último ano, os propietarios do restaurante decidiron continuar con este labor, traendo ata Ribadeo a bandas de música de renome, pero tamén a produtores artesáns do ámbito agroalimentario, combinando a súa presenza con menús degustación e bocados únicos, pensados especificamente para cada cita.
O calendario de actividades retómase o vindeiro venres 21 de marzo e traerá de novo á cantante e instrumentista Carmen Rey, unha recoñecida voz dentro do panorama jazzistico galego.
Carmen Rey, realizou os seus estudos musicais no Conservatorio Superior da Coruña e complementou os seus estudos na Escola de Música Creativa de Madrid. Comezou a súa carreira como vocalista de jazz en 1992 co Nani García Trío. Formou parte da Old Dixie Jazz Band o Xío, ademais de compartir escenario con grandes nomes como Brian Trainor, Jorge Pardo, Perico Sambeat ou Jeff Jerolamon e colaborou con Xosé Manuel Budiño como vocalista.
Detrás dela, escóndense 30 anos dedicados ao escenario, desde ese primeiro concerto aos 18 no Jazz Filloa co que se estreaba no mundo do soul. Hoxe, a artista atópase en plena efervescencia de proxectos.
Pola súa banda, o equipo do restaurante deseñará un menú específico para esta convocatoria.
As prazas son limitadas e é imprescindible reserva.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
