“Por unha sanidade de calidade próxima ás persoas”
A Mariña, xoves 20 de marzo 2025. O BNG convida a toda a comarca á manifestación que vai ter lugar en Viveiro o vindeiro domingo 23, convocada pola Plataforma en Defensa da Sanidade Pública da Mariña baixo o lema “Pola resurrección da nosa sanidade”. A situación de desmantelamento que sufre a sanidade pública avanza a pasos de xigante nos últimos anos, acelerándose desde que hai oito anos o Partido Popular eliminou a Área Sanitaria da Mariña, procedendo á reducción progresiva de moitos servizos que antes se ofrecían na comarca obrigando agora aos doentes a acudir a Lugo. Servizos que se resinten, coma as panorámicas dentais, as densitometrías, dixestivo, uroloxía, medicina interna….unha sola ambulancia medicalizada para toda a Mariña…..e un longo etc. de servizos que están quedando en cuadro provocan o conseguinte malestar entre a cidadanía mariñá e tamén múltiples reclamacións dos doentes.
Desmantelamento da Atención Primaria
En canto á Atención Primaria, na comarca está prácticamente desmantelada, tanto a nivel de recursos económicos coma humanos con repetidas ausencias de médicos en moitos centros de saúde que o Sergas cubre temporalmente ou por horas, e nunca na súa totalidade. A este tema referíuse o deputado mariñao Daniel Castro afirmando que “esta situación na Mariña é insoportable por mais tempo e o PP tén que darse conta de que non poden seguir xogando coa nosa saúde, porque eso é o que está facendo e por riba deso ainda ríndose de nós cada vez que levamos iniciativas ao Parlamento denunciando as situacións que se viven en case todos os concellos, e poño por caso os máis recentes: Viveiro, Ourol, O Vicedo, Muras, Riotorto, Ribadeo…”.
Máis Atención Primaria. Máis Atención Hospitalaria. Máis Sanidade Pública
Os nacionalistas fan súas tamén as reivindicacións de colectivos coma SOS Sanidade Pública ou da Plataforma en Defensa da Sanidade Pública da Mariña que convoca esta mobilización, plataforma da que o BNG forma parte, e demanda tamén Máis Atención Primaria, con Centros de Saúde de PACs dotados de persoal suficiente de todas as categorías, Máis Atención Hospitalaria coa utilización plena dos recursos e acabando coa política de concertación coa privada, plans para reducir as listas de agarda e a non ocultación das mesmas. “Son moitas as cousas que se está xogando esta comarca da Mariña nos últimos anos, pero a máis desesperante é a situación da sanidade, porque levamos anos reclamando o incremento do orzamento sanitario público, recuperar os servizos privatizados e o que é crucial e máis importante: recuperar a nosa Área Sanitaria que o PP eliminou e agora estanse vendo as consecuencias deso, entre elas as derivacións a Lugo, que non só é unha viaxe a Lugo, é unha viaxe no tempo catro décadas atrás” manifestou o responsable comarcal Antonio Veiga.
O domingo 23, tod@s a Viveiro
Castro e Veiga animan a toda a poboación mariñá a acudir masivamente a Viveiro o domingo 23 para frear esta situación, porque é a única forma de parar o desmantelamento, e tal como como venen facendo xa veciñas e veciños de diversas localidades coma O Vicedo, Muras, Ourol, Viveiro, Trabada, O Valadouro, A Pontenova, Ribadeo… en numerosas mobilizacións a nivel local.
Míriam Bermúdez chama a mobilizarse
Desde a cidade do Landro, a voceira municipal afirma que: “Agora mesmo faltan catro médicos de familia no centro de saúde. Polas tardes, os poucos que hai están sobrecargados, e a pediatría está ao cincuenta por cento, con só unha das dúas prazas cuberta. Levamos máis de dous anos nesta situación e a atención sanitaria segue deteriorándose”, denuncia Míriam Bermúdez. “As esperas para unha consulta ordinaria son longuísimas. Queremos que, como marca a ILP, non superen as 48 horas. Queremos unha sanidade que nos atenda cando a necesitamos”.
Por iso, este domingo 23 de marzo ás 12:00h, a Plataforma na Defensa da Sanidade Pública da Mariña convoca unha mobilización. “A saída será desde a Cruz Vermella. É o momento de esixir solucións!”, destaca Bermúdez.
“Merecemos unha sanidade pública digna, con máis persoal, máis medios e unha atención de calidade. Necesitamos que en Viveiro haxa os 8 médicos de familia que nos corresponden, que a pediatría funcione ao 100% e que o servizo de enfermería estea reforzado. Queremos unha sanidade que nos atenda cando a necesitamos, sen esperas inxustificadas nin sobrecarga para os profesionais”, insiste.
Míriam Bermúdez lembra que “todas e todos nos indignamos ao acudir ao ambulatorio e ver como a situación vai a peor. A sanidade é un dereito, non un negocio. Non podemos permitir que sigan recortando mentres a veciñanza sofre as consecuencias”.
Tamén apunta á responsabilidade do goberno local: “A nova alcaldesa do Partido Popular terá que decidir se está coa súa xente ou co seu partido. Polo de agora, xa dificultou a realización da mobilización denegando á plataforma o uso da megafonía. Verémola este domingo defendendo unha mellor sanidade para Viveiro ou seguirá xustificando os recortes?”.
“Este domingo haberá quen prefira os intereses do seu partido á defensa dunha mellor calidade de vida para a súa xente. Nós témolo claro: a sanidade non se vende e a saúde non debe ser un privilexio”, conclúe Bermúdez.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
